影片
更多
2024-09-17
1328 瀏覽
就到中秋，就決定同屋企人食好少少，因為有家庭成員食素，佢提議去呢間店食中秋飯。無意中發現素食都有廚師發辦，未食過素食廚師發辦嘅我，就決定試試佢。廚師發辦菜單前菜︰生機水克非爾 (自家製有汽益生菌)綠野水果沙律白木耳百香果伴非轉基因木瓜日本山藥球伴碧綠果仁醬湯品︰鮮椰子海玉竹石斛猴菇黃耳養身燉湯主菜︰香蒸鮮蔬水晶球伴勝瓜自家製生煎包 (南瓜素咸蛋蓮子餡) 伴燒菜秘製非洲G能量手炒生機功能菜 (石斛苗, 油麥菜)椰菜花能量飯甜品︰川貝杏仁茶燉雪耳生機抹茶牛油果蛋糕生機水克非爾 (自家製有汽益生菌) 杯飲品幾得意，飲落有d似玉泉西柚味汽水，又有d似陳年醋咁~ 最好就係飲落唔甜綠野水果沙律 同市面d沙律唔太一樣，除左水果同菜，廚師仲落左大量堅果，沙律醬無用普通美乃滋，似係用左酸忌廉調汁，蔬果又揀左酸酸甜甜嘅菠蘿同紅菜頭黎配搭，食落感覺好清新。白木耳百香果伴非轉基因木瓜 除左白木耳，其實廚師都用左貓耳朵，令到個視覺效果再豐富d。白木耳食落去好爽，比貓耳朵更爽口，個辣汁同白木耳完全融為一體，可惜木瓜偏生 (唔知係咪熟木瓜個甜咪同個辣汁唔襯🤣)，呢度要扣少少分，但總體黎講係好食又坊間好少見嘅配搭
廚師發辦菜單
前菜︰
生機水克非爾 (自家製有汽益生菌)
綠野水果沙律
白木耳百香果伴非轉基因木瓜
日本山藥球伴碧綠果仁醬
湯品︰
鮮椰子海玉竹石斛猴菇黃耳養身燉湯
主菜︰
香蒸鮮蔬水晶球伴勝瓜
自家製生煎包 (南瓜素咸蛋蓮子餡) 伴燒菜
秘製非洲G
能量手炒生機功能菜 (石斛苗, 油麥菜)
椰菜花能量飯
甜品︰
川貝杏仁茶燉雪耳
生機抹茶牛油果蛋糕
生機水克非爾 (自家製有汽益生菌)
杯飲品幾得意，飲落有d似玉泉西柚味汽水，又有d似陳年醋咁~ 最好就係飲落唔甜
生機水克非爾 (自家製有汽益生菌)
49 瀏覽
0 讚好
0 留言
同市面d沙律唔太一樣，除左水果同菜，廚師仲落左大量堅果，沙律醬無用普通美乃滋，似係用左酸忌廉調汁，蔬果又揀左酸酸甜甜嘅菠蘿同紅菜頭黎配搭，食落感覺好清新。
綠野水果沙律
42 瀏覽
1 讚好
0 留言
除左白木耳，其實廚師都用左貓耳朵，令到個視覺效果再豐富d。白木耳食落去好爽，比貓耳朵更爽口，個辣汁同白木耳完全融為一體，可惜木瓜偏生 (唔知係咪熟木瓜個甜咪同個辣汁唔襯🤣)，呢度要扣少少分，但總體黎講係好食又坊間好少見嘅配搭黎。
白木耳百香果伴非轉基因木瓜
85 瀏覽
0 讚好
0 留言
山藥球食落無平時果種黏黏嘅感覺 (利申︰本人平時最怕呢種黏黏滑滑嘅感覺)，仲帶d甜味，配埋個堅果醬，感覺好特別，有少少似食緊甜品。
日本山藥球伴碧綠果仁醬
44 瀏覽
0 讚好
0 留言
好少可飲到d燉湯係真係好滾，呢個燉湯上完檯放左 5-10分鐘都仲好滾。湯入面有大量切得好薄嘅椰子肉，方便客人食，都落左大量石斛，但個湯並無因為d石斛而變甘，飲落仲好甜添。
香蒸鮮蔬水晶球伴勝瓜
呢個食落去似越式菜個蒸粉包，要讚一下個勝瓜，頭先已經提過，本人好怕食d黏滑嘅食材，呢個勝瓜做到好爽，又無乜黏滑嘅感覺 (雖然結論都係唔中意食勝瓜)。
香蒸鮮蔬水晶球伴勝瓜
72 瀏覽
0 讚好
0 留言
生煎包食落去剩係食得出南瓜 mix 左d好杰身嘅野，有少少似食緊月餅，但個皮變左生煎包。隔離有d菌醬，但由於內餡太濃味，食唔出個醬嘅味。整體感覺不過不失。
自家製生煎包 (南瓜素咸蛋蓮子餡) 伴燒菜
101 瀏覽
0 讚好
0 留言
非洲G其實就係非洲雞，用左猴頭菇做肉，配上香料醬汁，都係市面上比較少見嘅素食。
秘製非洲G
90 瀏覽
0 讚好
0 留言
就咁睇個名同賣相以為好普通，一食落口就覺得好正! 廚師用左黑白芝麻加麻油，成個菜勁香芝麻味。而石斛苗同油麥菜都係帶少少甘味嘅菜，個芝麻味令到個甘味轉為甜味，真係超正! 即使石斛苗有少少渣，都完全唔覺得會令道菜減分!
能量手炒生機功能菜 (石斛苗, 油麥菜)
112 瀏覽
0 讚好
0 留言
又係一個好正嘅菜式! 好多時食到嘅椰菜花飯或者豆腐飯，都有一種好寡 / 鞋口嘅感覺，再唔係就好西式果種好 cream 嘅感覺。廚師將呢兩樣野 mix 埋一齊，豆腐嘅滑同椰菜花嘅口感，互相彌補對方嘅不足，食落有d似食緊珍珠米嘅感覺。
椰菜花豆腐飯
141 瀏覽
0 讚好
0 留言
杏仁味香得黎唔腥，唔，食完覺得真係養到顏。
川貝杏仁茶燉雪耳
170 瀏覽
0 讚好
0 留言
好濃抹茶味，唔係好食到牛油果味，但個蛋糕個堅實程度唔會令你懷疑佢落牛油果嘅份量，都係唔。
生機抹茶牛油果蛋糕
153 瀏覽
0 讚好
0 留言
總括黎講︰食物質素中上，食物配搭幾新穎，服務好，價錢同食物質素份量成正比! 呢間店絕對係素食同埋生酮飲食嘅好朋友。
張貼
