東歐餐廳

之前已經聽過朋友介紹呢間餐廳，果然性價比好高，但一定要book枱，平日嘅夜晚都好full。餐廳嘅環境真係好似人地東歐嘅屋企咁，加上樓底矮，俾人一種好似食緊東歐私房菜。食物方面，太多數菜式都偏濃味，但唔會令人吃不消。前菜叫咗個三文魚，好有咸香味，而且份量好多。香港無乜地方有得食鹿肉，嚟到呢度可以一試一，但我地就無試了。朋友話燉牛脷係必試嘅，差唔多每枱都有叫到，唔好睇個盅好似好細個，但入面有好多牛脷粒，起馬有八粒，配埋芝士白汁同磨菇，真係好回味。個鐵板三文魚扒好香，皮好脆，魚肉嫩滑，配埋旁邊啲沙律菜，啱啱好，唔怕膩。焗蘋果鴨胸係我最鍾意嘅一道菜，無諗過鴨胸可以煮到咁嫩滑，配埋佢嘅蘋果，真係好好食！大多菜式只係二百幾蚊，真係好抵食！慶幸喺中環搵到間咁高性價比嘅餐廳，一定會再幫襯！