嵐橋日本料理

營業中

休息中

今次比我發現到一間超高質嘅日本餐廳，佢樓下地下係食丼飯，而樓上就係用嚟食唔同嘅日本料理✏️佢嘅刺身同壽司真係超級好食，我叫左中拖羅刺身，牡丹蝦刺身，同埋切鯖，刺身肉質油潤而軟滑，而且魚味濃郁，令人忍唔住想食多幾件✏️火炙帆立貝同火炙金目鯛壽司，小小嘅火久，令到佢嘅味道更加香口，而且帆立貝上邊，仲有少少黑松露令到佢嘅味道更加豐富✏️安格斯肉眼壽喜燒，除咗安格斯肉眼之外，仲有粉絲同唔同嘅菇類，非常豐富同飽足✏️而昆布清酒煮蜆，每一粒蜆都好大粒顯肉，而且清酒恰到好處✏️當然最後仲要交一份日式炒野菜，食多啲菜，令到自己健康啲✏️咁當然價錢都有少少貴，但係OpenRice有全單八八折同埋套餐嘅優惠，所以有興趣嘅人記得拎咗啲優惠先好去啊