森戶 (官塘立成大廈) (已結業)

牛頭角森戶裝修日式風格簡約，座位也很多給寬躺，很多日本的擺設給予人嘅感覺走進一間居酒屋，有多款刺身及壽司等選擇，一於試試看！刺身拼盤包括了油甘魚、帶子、池魚、白身魚、甜蝦～有頭甜蝦味道鮮甜，池魚肉質鮮甜好味，加上薑蓉呢個配搭味道好濃郁，亦能帶出魚的淡香。白身魚食落結實有彈性，鮮甜質地，完全唔腥！大大粒帶子極之鮮甜，油甘魚肥美味道正常，魚味香濃，特別多魚油呢。$298 特上壽司拼盤每一件都用料超足，包括了拖羅、牡丹蝦、赤貝、銀鱈魚、深海池魚、白身魚 、金目鯛、鯖魚、海膽、三文魚籽。拖羅肥膩甘香，深海池魚好肥美！火炙銀鱈魚壽司，油脂感幾重，入口即溶，令我一試難忘！牡丹蝦香甜爽彈，鮮味而且濃郁的蝦膏帶來一股後勁。軍艦兩者的味道都是非常濃郁，海膽食落去夠鮮甜，水準之作，加上壽司醋飯的味道唔錯，跟刺身相輔相成。特上壽司拼盤必點推薦，好好食！串燒嘅種類都算多，我哋分別叫咗燒牛舌同埋燒雞翼，鹽燒雞翼味道都唔錯，雞肉夠嫩滑，有咬口，帶有少少燒脆既惹味～燒牛舌好爽口好有火喉，會食上癮，值得一讚嘅係唔會太鹹。