六両三

營業中

休息中

由行入餐廳開始已經聞到一陣異味，陣味係類似寵物店入面陣狗嘅體味。舖頭內嘅位置唔多，我哋被安排坐喺餐廳嘅角落頭。位置比較迫，冇咩空間放野，朋友購物完之後去食飯，全程都要攬住購物袋同手袋。舖頭以QR code落單，我同朋友都肚餓啦，一人叫左一碗麵再加小食。落單後滿心期待食到傳說中嘅傳統牛肉麵，我地叫左兩個半肉半筋牛肉麵（紅燒湯底、麻辣湯底各一）、牛腱牛腓條麵（紅燒湯底）、肉燥乾拌麵，小食方面就叫左兩個麻辣鴨血、一個百頁豆腐、一個甜不辣。上菜速度算快，大概落單後5分鐘內已經上菜。但食物一放落口，已經覺得中晒伏。首先係牛肉麵嘅湯底完全無味得黎又帶點酸，完全仲差過連所式嘅牛肉麵湯底；麻辣湯底就好少少，起碼食到有辣。而拌麵就肉燥做到有鹹味，就係咁大把。終極大佬係個麻辣鴨血！真係好難做到一放落口想吐返出黎！個所謂麻辣湯底係水一樣但水面又浮住啲辣油，件鴨血不論口感定味道都比起街邊車仔麵檔嘅豬紅更加差。原本見到餐廳好評如潮同朋友一齊試吓，誰不知係失望而回。第一次食剩咁多野，連塊牛肉都要中途放棄。未試過嘅朋友唔洗可惜，可以唔洗試⋯⋯除非你食開明將壽司，有一顆勇士嘅心。