鳴虎 (北角匯二期)

營業中

休息中

前幾日到北角匯地庫嘅一田超市補貨，購買生活必需品，行完超市見到有間拉麵鋪，一於入去醫肚先～<日本魚乾豬骨湯拉麵> $88<蝦味噌豬骨湯拉麵> $88<半熟蛋> $12同朋友分別點了日本魚乾豬骨湯拉麵同埋蝦味噌豬骨湯拉麵。魚乾豬骨湯底用咗四種鮮魚&店家秘製豬骨湯底熬煮，湯頭呈奶白色，鮮味濃厚。蝦味噌豬骨湯底就加入北海道鮮蝦、櫻花蝦粉，令味道除咗帶有豬骨湯底嘅味道之外，更帶有一份蝦乾香味。拉麵用咗幼麵幾掛汁，伴有火炙叉燒&半熟蛋。半熟蛋呈流心狀，蛋味濃郁；大量黑木耳絲&蔥花，令口感更多層次，湯底濃而不膩。<芝士魚條拼魚餅> $48魚條入面嘅芝士香甜美味，魚餅口感煙韌。