鳴虎 (北角匯二期)

營業中

休息中

藏身於北角匯一田超市內的日式拉麵店 — 鳴虎店面唔算大，都設有BAR台位同四人台位。拉麵店以自助形式為主，到櫃位落單後待拉麵煮好再到取餐區取餐。同朋友叫咗一個赤虎同一個黑鳴虎，另外再加多份芝麻雞翼。赤虎湯底香辣惹味，拉麵都係我喜愛既口感。配料有椰菜絲、溏心蛋、木耳絲、紫菜同最重要嘅厚叉燒。溏心蛋做得很出色，入味而且滑口流心，我同朋友都好鍾意！叉燒就偏向肥香，肥同瘦肉比例大概係1:2，叉燒邊邊亦燒得好香。而黑鳴虎主要以黑蒜油為湯底，同樣配料豐富而且黑蒜味香。不過比起赤虎我會比較喜愛赤虎嘅香辣味！小食芝麻雞翼即叫即炸，香脆味濃，雞翼面的芝麻令雞翼更香更惹味！👍🏻👍🏻👍🏻當日仲見到期間限定做緊推廣：北海道蟹味噌拉麵，$128套餐再配上兩件炸物好優惠，不過今日主要試佢嘅基本湯底先，下次再試埋期間限定產品

鳴虎位於北角匯一田超市內香蔥拉麵$88加入四國的蔥油充滿香氣配搭爽口木耳絲兩片大叉燒非常肥美用豬五花肉綁成圓形碗邊有塊紫菜趁仲脆既時候同拉麵一齊食令口中濃郁的湯頭變得清爽糖心蛋蛋黃係蜜蠟既顏色蛋汁香濃細滑龍蝦沙律$38原隻小龍蝦肉製成有蟹籽增添口感用紫菜包住食，帶出鮮味波子汽水$18兒時回憶波子汽水在1876年起源於日本，是帶有青檸和檸檬口味的碳酸飲料，其日文名稱「ラムネ」來自英文的 「lemonade」（レモネード，檸檬水）。因為加了二氧化碳，口味清涼爽口

🍽鳴虎鳴海老🦐先呷一口湯～好香蝦味🤤好似食緊隻蝦咁😋愛蝦者要trytry佢🤡麵質方面煮淋左小小～口感算爽口👍叉燒都幾大塊仲算厚身🤤啖啖肉幾好味😋綠虎🟢蔥！全部都係蔥😎不過老實講～蔥味唔夠香有失望位😮‍💨蔥+拉麵+叉燒+木耳=一齊食個口感好豐富差啲唔記得一提個木耳又多又爽口😜肉餃子+吉列大蝦餃子餡料都係正正常常·唔錯既不過唔算好特別吉列蝦都係正常發揮～但算大隻😜盛惠 $2xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講有幾款湯底選擇～蝦湯會想再黎食～多間分店不妨去試下😃

有人話係香港食拉麵係比智商稅，要食不如去日本食。咁香港果D茶餐廳，譚仔，燒味去到外國貴幾倍，唔通日本人又話係日本食譚仔係交智商稅，應該飛黎香港食咩？所以呢鋪講法真係要戒啦。👇🏻📌人 氣 推 介 -▪️ 蝦 味 噌 豬 骨 湯 拉 麵 - $88▫️ 我就揀左呢個「蝦味噌豬骨湯拉麵」，湯底用上北海道鮮蝦熬煮，加上櫻花蝦粉香味濃郁，而味噌鹹中帶甜，先呷一啖湯，麵條爽口彈牙，蝦鮮味係口腔揮之不去，仲有一隻流心半熟蛋，蛋香十足，夠哂滑溜，好食。▪️ 博 多 黑 蒜 油 拉 麵 - $88▫️ 我朋友就揀左「博多黑蒜油拉麵」，湯底濃郁惹味，唔會好鹹，麵條軟硬適中，食到大量配菜，包括木耳、香蔥，叉燒肥瘦均勻，面頭經火槍燒過，帶淡淡焦香，食哂成碗亦唔會覺得好油膩，仲會附上一杯熱茶，唔錯。

週末同另一半去北角商場逛下，行完去地庫超市買嘢，見超市內有間日式風格拉麵店，就每人食碗麵先再逛😄麵店面積唔大，有十多個座位，主要供應五款唔同湯底嘅日本拉麵，另外有丼飯同小食。日本魚乾豬骨湯拉麵用四種魚乾+豬骨製成湯底，湯底鮮味濃香，有兩塊日式叉燒，溏心蛋，紫菜，大量木耳絲同葱花，日式叉燒微微炙燒過，肥瘦適中，肉質軟腍，木耳絲爽脆，溏心蛋出色，蛋黄流心有蛋香😋，拉麵幼身彈牙，吸收濃郁魚乾豬骨湯，掛湯力👍黑蒜油拉麵材料同配菜相同，但湯底就轉咗黑蒜油豬骨湯，湯底多咗濃香黑蒜油香味，拉麵食落更滑溜😋

🤎北角·鳴虎🤎去北角一田超市行街 原來都開咗幾間食店見到有間拉麵店喺入面又未食過 試下啦🤔️面積細細嘅小店 枱既數量唔算太多佢地有多款拉麵/丼飯/小食揀 啲名幾特別分別係黑鳴虎/綠虎/鳴海老/鳴虎/赤虎略嫌湯底唔太夠熱(可能因為我影相XD)以速食嚟講唔錯 想快快醫肚可以考慮😌四國香蔥油拉麵🍜 $88一碗以香蔥油主打嘅拉麵 味道香濃未食已經見到極多蔥粒 食落帶有一絲甜味湯底呈現濃郁的色澤 夾雜住蔥恰到好處麵條粗幼度剛剛好 彈牙又有咬勁😃火炙叉燒大塊又好腍軟 食落肉質鬆化肥瘦分明 仲有爽脆木耳絲+半熟流心蛋🥚博多黑蒜油拉麵🍜 $88麵條細緻且彈牙 湯底呈現深沉嘅顏色🔥漂浮住黑蒜油嘅香氣 令人食指大動叉燒片肉質鮮嫩多汁 入口滋味豐富🍖再喝一口鮮香豐滿嘅湯底 香濃惹味黑蒜油同湯底嘅結合更加提升咗味道層次都係配有爽脆木耳絲+半熟流心蛋+蔥👌🏻

今晚約左個朋友係北角食飯，咁啱行開一田，見到一田裡面有鳴虎拉麵，咁就坐低食啦😊拉麵店座位都幾闊落，設計仲有bar枱位置。店舖係自助形式，先去收銀處落單，再等取餐，食完之後記得自己收回托盤去回收處🫶博多黑蒜油拉麵 $88博多黑蒜油拉麵用上招牌豬骨湯底，加入博多黑蒜油，飲落順滑不膩，濃厚惹味，但唔會太鹹，配上富有彈性及嚼勁的幼身麵條，麵條掛湯度高，份量好足，而配料包括有2塊日式火炙叉燒、一隻溏心蛋、紫菜同木耳等☺️日式火炙叉燒肥瘦適中，而且仲經過火炙，外酥裡嫰；咬落去溏心蛋後半熟的蛋黃流出，蛋白軟滑，蛋黃味濃郁。日本魚乾豬骨湯拉麵 $88魚乾豬骨湯拉麵以四種鮮魚加上鳴虎豬骨湯底熬煮，湯底混和左豬骨同鮮魚嘅精華，既鮮味可口又有豐富層次👍👍而配料一樣包括有2塊日式火炙叉燒、一隻溏心蛋、紫菜同木耳等☺️

近排成日都好想食拉麵！今日放工之後 就係附近揾下有啲咩拉麵店睇到一田入面有間鳴虎😆咁就試下呢間啦🥰- 鳴海老（蝦味噌豬骨湯拉麵）$88湯底都好濃郁 🥰鳴海老拉麵因為加咗啲蝦碎係入面調味 飲個湯既時候 蝦味都會比較重啲😝個人黎講 就比較鍾意呢款拉麵比較多啲紫菜吸咗啲湯 仲好味啲添😆- 鳴虎（日本魚乾豬骨湯拉麵）$88呢個拉麵既湯底就會重豬骨味多啲😆拉麵既淋度適中 唔會過硬又或者過淋叉燒方面亦都唔會好肥而且幾欣賞入面隻流心蛋😝仲有性價比都幾高添😆😆😆

上星期去一田超市行街無意中見到有間拉麵店喺入面決定呢一晚抖抖唔煮飯試吓先店舖雖小 質素唔錯啊每款拉麵個名都好有特色黑鳴虎、綠虎、鳴海老、鳴虎、赤虎鳴海老即係蝦味噌豬骨湯拉麵表面有蝦乾 好香蝦味 又有香濃嘅豬骨湯味拉麵係幼麵 軟硬度適中湯底味道濃郁 有兩塊叉燒肥瘦適中配菜有木耳、紫菜、筍仲有糖心蛋 好流心赤虎特濃辛口拉麵紅色嘅湯底 又好香口嘅辣味 但唔算好辣拉麵同樣係幼麵 軟硬度適中湯底味道都好香濃 同樣有兩塊叉燒整體味道唔錯 價錢唔貴下次唔想煮飯，可以再試吓其他口味 😋

近排經過北角，見到呢間拉麵店幾吸引，其實之前已經聽過呢個名好多次，今次終於有機會試食一下。 鳴海老，蝦味噌豬骨湯拉麵🦐🍜 $88美味指數：👅👅👅👅/👅 (4.5/5)豬骨湯🐷非常濃郁，再加埋櫻花蝦同半肥瘦嘅叉燒🥩，香口得嚟又唔會油膩，而且拉麵煮得啱啱好，食落非常爽口😗 綠虎，四國香蔥油拉麵🌿🍜 $88美味指數：👅👅👅👅 (4/5)湯底以香蔥油為基礎，味道香濃😍，未食已經會聞到一陣陣蔥香味，非常適合香蔥控嘅朋友。而且拉麵份量都算多，配埋溏心蛋真係好滿足🤗

獨自在一田購物，順便想食個午餐，見到這間拉麵店看似人氣不錯。店面細細，只有十多個位置，午市座無虛席，等了10分鐘左右就有位。有多款拉麵、丼飯和小食，選了經典日本魚乾豬骨湯拉麵~覺得性價比都不錯，快靚正~如果在附近想不到食什麼時，可以考慮這間拉麵店。☁️ 日本魚乾豬骨湯拉麵 $88餐廳招牌菜之一，店家標榜用四種鮮魚同秘製豬骨湯做湯底。湯底濃郁，飲落並不會油膩。拉麵偏幼身，頗喜歡拉麵彈牙帶點嚼勁，煮得剛剛好。拉麵配料頗為豐富，兩片叉燒肥瘦適中，經過稍微燒灼，微焦的表皮更為吸引!!糖心蛋夠軟心，另外黑木耳絲都好足料。

很喜歡四週圍試食日本拉麵，今日行經北角滙見到鳴虎，等我又試吓先。蝦味燻豬骨湯拉麵$88~湯頭加入北海道鲜蝦櫻花蝦粉， 味噌鹹中帶甜，有好濃的蝦味， 濃郁鮮甜，好黏口，好美味。配上肥瘦相間的义燒，流心温泉蛋， 木耳絲，紫菜和蔥花，十分滋味。麵條煙韌有彈性，粗幼適中，沾滿湯汁十分美味。特濃辛辣拉麵$98~配料同樣有叉燒，溫泉蛋，木耳絲，紫菜和蔥花。湯底辛辣味 漸進式由淡至濃， 十分有層次， 辣椒味帶刺激感， 香氣撲鼻，勁惹味。流心温泉蛋蛋白軟滑，蛋黃蛋味濃郁幼滑，好正!

鳴虎 (北角匯二期) 地址: 北角渣華道123號北角匯二期B1樓一田超市內北角匯地方大，多食肆配合附近住的民生需要，同埋一行出碼頭好方便，有人狗共享公園，樹木花草食完行下好寫意叫予當中兩個唔同味架拉麵來試鳴虎是魚介豬骨湯，可見個湯好濃能掛麵，個湯有魚介香，日本叉燒大大塊，仲有紫菜木耳等配料添鳴海老也是以豬骨湯做底，加入予大量櫻花蝦，而湯底有蝦香，別有一番風味。隻蛋都好入味，浸予醬油好耐，蛋黃中心都有醬油香，超美味人均消費$100

今日同朋友行北角一田超市，行完有啲餓，隨即走咗去一間拉麵店，就喺一田超市入邊，純粹諗住可以醫下肚，但係估唔到其實都幾好食😍佈置好似日本拉麵店，簡單，乾淨👍🏻入邊人多，食完要將自己食完嘅碗碟放去回收位置，大家都好自律☺️🍴 日本魚乾豬骨湯拉麵🍴朋友叫咗呢個餐，有叉燒，糖心蛋，好香魚嘅味，但又唔會好腥👍🏻🍴 蝦味噌豬骨湯拉麵🍴好濃嘅蝦味🤩叉燒軟硬適中，肥膏唔會好多，值得欣賞係個蛋，加埋個湯完全係一流嘅配搭😀鍾意食蝦嘅朋友唔好錯過🥰值得一題係拉麵附上紫菜，香脆🥹而且個蛋係糖心蛋😆略嫌湯底唔太夠熱，係一個唔錯，快速醫肚嘅拉麵店😍

最近去左北角既酒店staycation咁啱想去附近超市買下零食行下行下 見到超市內有間拉麵店就順便坐低食下 舖頭名叫鳴虎 一個好霸氣嘅名一定要試吓啲嘢食係咪都咁有份量先由於係位於超市旁邊的餐飲區 枱既數量唔算太多 如果幾張檯滿左都可以坐下圍繞開放式廚房嘅座位可以睇住廚師準備你order 左既食物都有啲身處日本拉麵店既感覺餐廳採用櫃面下單 先付款 後自取既方式今次同朋友叫左兩隻唔同嘅老虎🤓朋友喜歡辣所以叫左赤虎 （$98）佢係特濃辛口拉麵 有一隻流心蛋 兩片叉燒 仲有啲木耳 䓤呀咁仲有片紫菜都幾豐富架湯底辣度十足呀 啱曬鐘意食辣野既人幼麵軟硬適中 味道好好另外當然梗係要叫下同店名一樣嘅嗚虎啦 （$88）我估應該係係度既signature 佢係日本魚乾豬骨湯拉麵魚乾豬骨湯味濃郁 同樣用上幼麵 軟硬適中有一隻流心蛋 兩片叉燒 木耳同䓤 加片紫菜食左個肚暖粒粒 好滿足食飽左之後要自己將個托盤同食物放回回收車養成下依個習慣都幾好☺️