影片
更多
2011-07-09
51 瀏覽
前言：本人係好鍾意飲茶嘆茶既人，試過港九新界唔同既酒樓、茶館、飲茶既地方，對飲茶既食物咩為之好味有一定經驗今次去呢個米芝蓮食府(一點心)，前一個星期已經試左o係太子果間啦突登去埋北角呢間分店，睇下質素水準有冇差別。首先，要講既係入去既現象。北角店：唔使排隊等位太子店：排好耐，仲要有好多人o係出面等(可能比起北角店樓面細2/3)不過今次集中介紹北角店吧入到去，感覺都係普通一間快餐店咁既感覺，無咩特別。侍應會問你飲咩茶(北角店特別在每位人客每人自選一個茶包既 $3/per person)我叫左香片，茶味ok。選擇食物中......介紹下叫左既食物啦：今次叫既食物有，順次序講啦：1) 排骨 － 味道可以啦，可以說是有肉味，沒有雪的感覺，應該是新鮮的2) 雞扎 － 很好的，沒有把豬皮當魚肚，味道還可以，不過隻菇又細又唔爽，雞是雪的。3) 奶皇包 － 差，我知佢唔係流沙果隻，只係奶皇，但基本上奶皇的味道也沒有，包皮一般4) 牛肉腸 － 皮滑餡多，味道好，推介5) 蛋散 － 外面o係脆既，之但係內裡果d位好實，仲有少少「骨」感，廚師技巧唔係咁好。6) 飯 － size唔算細，料都算多，飯既口感唔錯
對飲茶既食物咩為之好味有一定經驗
今次去呢個米芝蓮食府(一點心)，前一個星期已經試左o係太子果間啦
突登去埋北角呢間分店，睇下質素水準有冇差別。
首先，要講既係入去既現象。北角店：唔使排隊等位
太子店：排好耐，仲要有好多人o係出面等(可能比起北角店樓面細2/3)
不過今次集中介紹北角店吧
入到去，感覺都係普通一間快餐店咁既感覺，無咩特別。
侍應會問你飲咩茶(北角店特別在每位人客每人自選一個茶包既 $3/per person)
我叫左香片，茶味ok。選擇食物中......
介紹下叫左既食物啦：今次叫既食物有，
順次序講啦：1) 排骨 － 味道可以啦，可以說是有肉味，沒有雪的感覺，應該是新鮮的
2) 雞扎 － 很好的，沒有把豬皮當魚肚，味道還可以，不過隻菇又細又唔爽，雞是雪的。
3) 奶皇包 － 差，我知佢唔係流沙果隻，只係奶皇，但基本上奶皇的味道也沒有，包皮一般
4) 牛肉腸 － 皮滑餡多，味道好，推介
5) 蛋散 － 外面o係脆既，之但係內裡果d位好實，仲有少少「骨」感，廚師技巧唔係咁好。
6) 飯 － size唔算細，料都算多，飯既口感唔錯，都可以一試
7) 蝦餃 － 好味之選，蝦的肉很爽，皮也薄亦好吃
8) 燒賣 － 有蝦餃就當然有燒賣啦!但係一放上來見到個賣相就唔係咁吸引啦，諗住係大大粒好靚好大隻蝦，點知粒粒size都唔同。不過味道方面都可以的，可惜肉味唔夠得蝦既感覺，就好似蝦餃的味道
9) 馬拉糕 － （呢樣野下面再介紹）
10) 腐皮卷 － 第一眼睇到既感覺係:會脆的嗎？因為個賣相好似凍晒同埋淋晒咁。不過原來係脆同熱味道都唔錯，之但係唔知係唔係無收油既關係，食落口好油。
講返個馬拉糕啦！
點解要特別講呢，因為件事有段小插曲。話說我一食落口就覺得個味好怪，有點汽油又或是椰子壞了的味道
咁自己都擔心緊「精製」呢個詞語係唔係有乾坤先有個咁「怪」既味既食物。
結果身邊既人個個都頂唔順，於是就叫左個侍應來
佢第一句係：今日成朝都無人出過聲話有問題喎！
我：一係你試試吧！
侍應：一係比你換啦，你揀下想換咩啦。
隨即個侍應話：其實今日整果個廚房唔知做咩，都知份量係唔同左，色都唔同左，可能個廚師有d事今日，唔好意思呀，你地揀下有咩要換啦。
不過，係我仲諗緊轉咩好既時候，佢就出來話個廚師會重新再整個正常既出來(就係相果件馬拉糕啦)
針對返「正常」果件馬拉糕來評，味道係好好，又好軟，當然仲好夠熱，食完仲會好想食，而且全部食物最好食係件馬拉糕
總結：一家普普通通的飲茶點心地方，不知為什麼是米芝蓮食府(可能得太子果間先好<-本人比較下認為太子果間真係好味)，但點心都可以，服務都不錯！
張貼
