潮城潮汕火鍋

營業中

休息中

這間位於旺角白布街的火鍋店，主打潮汕牛肉，特別之處是牛肉新鮮手切之餘，更會食到好刁鑽的部位。店內樓高兩層，二樓更有VIP房，裝潢簡潔乾淨，檯與檯之間都算闊落坐得舒適。我們選了牛骨湯底$68，有栗米及蘿蔔做配料，入口都幾清甜；由於潮洲菜出名炸物，所以點了份即食炸潮洲魚蛋$33，咬落爽口，彈牙得來鬆軟；其他丸餃類火鍋配料我們要了獅頭鵝肉丸$33及魚冊$33，鵝肉丸味道跟豬肉丸好相似，魚冊即是魚扎，是潮汕的特色美食，肉質緊實帶點鹹香。至於重點主角兩款潮汕牛肉匙仁$98及嫩肉$68，兩款都牛味好濃郁，脂肪含量極少，肉質偏向結實有咬口，但更加多肉汁，只需淥幾秒一轉色就食得。另外再點了份蒙古羊肉片$68，肉質同樣新鮮緊實，羊肉味濃而不羶，都幾好食。以後想食潮汕火鍋不用再北上了。