森戶 (官塘立成大廈) (已結業)

第二次食呢間lunch, 今次自己一個叫左三色丼外賣，三色丼有拖羅魚蓉、三文魚籽同海膽☺️拖羅魚蓉既份量好多，撈匀左成個飯後，每啖都有好豐富既刺身，拖羅魚蓉比起平時食既蔥吞油脂感更加濃，好新鮮，每啖食完後，口腔留低既味都好濃郁，食完每啖都唔想飲野沖口😂三文魚籽味道正常，唔會太腥，佢既份量都好多，每啖都會食到幾粒😆至於海膽雖然睇左數量唔算多，但撈匀後海膽既味道撈到成個飯都好濃味，齋食個海膽唔會有陣腥/尿味，反而係好甜好幸福既感覺😆成個set仲包埋麵豉湯同沙律，丼飯既份量亦好多，食完成個set勁飽勁滿足！一家會一刷二刷再三刷😆🤤🤤🤤