影片
更多
2021-03-02
1602 瀏覽
美容院終於開返，我個生日禮遇喺過咗大半年後終於可以享用到！喺The ONE做機就順便喺嗰度食埋晏。由於想食泰國菜🇹🇭，所以第一時間就諗起「Cambo」。餐廳午市時段超旺場，要等位先入得，不過店員做嘢好爽手，所以好快就有位。期間客人源源不絕，有效率嘅上菜速度令佢哋能夠翻多兩枱👍。九款午餐有齊飯麵粉等選擇🥢，一份午餐索價由$62至$85不等，包基本凍熱飲，喺尖沙咀大商場嚟講真係唔算貴㗎喇！我哋要咗兩個午餐再加小食，放假食到非常飽飽好滿足😁，唯獨係枱面有少少迫，但店員上菜都好幫手執位，唔係遞比個客等佢自己就位搞掂。泰式青咖哩牛腩鍋($69)，🐮牛腩煲好有誠意，因為上菜時係連鍋上，下底有個火㷫住🔥，咁就成程可以食住熱辣辣嘅咖哩！如果咖哩汁唔熱，味道再好都扣哂分。🥘青咖哩辣味明顯，但都係接受範圍，而且口味正宗，入面放有大量茄子同豆角。牛腩同牛筋量唔多，但勝在大大件搭救。牛腩鍋會配送一碗白飯同冬瓜湯🍚。泰式鴨肉湯粉($62)，🍜湯粉個樣似足船河，但又應該唔係。一嚟餐牌無寫，二嚟湯底個味唔似。湯底幾特別，完全無藥材或好濃嘅香料味，反而甜味比較突出。麵底指定咗係河粉，正正常常都啱夾。餸料有連皮鴨肉同鴨
美容院終於開返，我個生日禮遇喺過咗大半年後終於可以享用到！喺The ONE做機就順便喺嗰度食埋晏。由於想食泰國菜🇹🇭，所以第一時間就諗起「Cambo」。
餐廳午市時段超旺場，要等位先入得，不過店員做嘢好爽手，所以好快就有位。期間客人源源不絕，有效率嘅上菜速度令佢哋能夠翻多兩枱👍。
九款午餐有齊飯麵粉等選擇🥢，一份午餐索價由$62至$85不等，包基本凍熱飲，喺尖沙咀大商場嚟講真係唔算貴㗎喇！我哋要咗兩個午餐再加小食，放假食到非常飽飽好滿足😁，唯獨係枱面有少少迫，但店員上菜都好幫手執位，唔係遞比個客等佢自己就位搞掂。
泰式青咖哩牛腩鍋
$69
24 瀏覽
0 讚好
0 留言
泰式青咖哩牛腩鍋($69)，🐮牛腩煲好有誠意，因為上菜時係連鍋上，下底有個火㷫住🔥，咁就成程可以食住熱辣辣嘅咖哩！如果咖哩汁唔熱，味道再好都扣哂分。🥘青咖哩辣味明顯，但都係接受範圍，而且口味正宗，入面放有大量茄子同豆角。牛腩同牛筋量唔多，但勝在大大件搭救。牛腩鍋會配送一碗白飯同冬瓜湯🍚。
泰式鴨肉湯粉($62)，🍜湯粉個樣似足船河，但又應該唔係。一嚟餐牌無寫，二嚟湯底個味唔似。湯底幾特別，完全無藥材或好濃嘅香料味，反而甜味比較突出。麵底指定咗係河粉，正正常常都啱夾。餸料有連皮鴨肉同鴨血(估計係，因為我唔食)，🦆鴨肉幾大片亦無骨，幾入味，但朋友就嫌有少少羶味。
泰式去骨海南雞
$78
13 瀏覽
0 讚好
0 留言
香茅烤豬頸肉($76)，泰式燒烤有相當多選擇，如果有拼盤揀就好了。🐷豬頸肉份量正常，大約有八至十片，本身無太多肥膏位，唔會太油膩。但我略嫌豬頸肉火喉爭少少，邊邊位唔夠脆口。
飲品方面，我哋都加$8轉咗特飲，分別係青檸梳打🍋同椰汁三色冰🥥，價錢合理。
總括嚟講，如果喺尖沙咀想食泰菜，Cambo係一個幾好嘅選擇😜，午餐抵食，晚市就可以食到更多菜式，有湯又有海鮮。不過座位有限，想食就最好訂定枱喇！
張貼
