影片
更多
2020-11-09
32 瀏覽
近排成日見人食蟹，搞到我日日都好想食蟹。多得朋友陪我一齊去食呢間餐廳，令到我可以好開心食蟹。呢間餐廳個名都有得你叫，翠林辣蟹舫，招牌菜當然就係蟹啦。不過除咗蟹之外，我哋仲叫咗一個小食同埋兩個小菜，仲有嘢飲添。🐓泡椒鳳爪 $68因為我好鍾意食辣，呢個泡椒鳳爪都好辣，辣得黎又唔會掩蓋左啲香味，所以我覺得好好食。有六隻鳳爪，份量都OK。啲雞皮好爽脆，好食。🦀避風塘香辣蟹 $588個炒蟹一上枱嘅時候真係嚇咗一跳，因為擺得好靚。味道唔係真係好辣，但啲炸蒜就好香好香，香到我哋都忍唔住就咁食咗幾啖。隻蟹好大隻，兩個人分都好夠食。蟹肉唔會煮得過老，食嗰陣仲係好滑，同埋雖然係避風塘炒嘅，但都仲會食到蟹肉嘅鮮甜味，好正。避風塘炒蟹當天要用手食先最有風味啦。雖然餐廳有洗手間可以洗手，但餐廳都好貼心咁提供左濕紙巾俾我哋，咁就方便好多啦。而店員亦都好好態度，喺我哋食蟹嗰陣會主動過黎幫我哋換碟，咁啲蟹殼就唔洗堆到周圍都係啦。🥚3.6牛奶炒蛋白 $155呢個清清地，炒蛋白上面有蝦仁同蟹子，賣相好靚。旁邊都有啲小棠菜同埋蕃茄，感覺就更加清新啦。炒蛋白仔細咁品嚐嗰陣，會有淡淡的奶香，幾好食。🐟香辣海參小棠菜 $168呢
呢間餐廳個名都有得你叫，翠林辣蟹舫，招牌菜當然就係蟹啦。不過除咗蟹之外，我哋仲叫咗一個小食同埋兩個小菜，仲有嘢飲添。
🐓泡椒鳳爪 $68
因為我好鍾意食辣，呢個泡椒鳳爪都好辣，辣得黎又唔會掩蓋左啲香味，所以我覺得好好食。有六隻鳳爪，份量都OK。啲雞皮好爽脆，好食。
泡椒鳳爪
$68
9 瀏覽
0 讚好
0 留言
🦀避風塘香辣蟹 $588
個炒蟹一上枱嘅時候真係嚇咗一跳，因為擺得好靚。味道唔係真係好辣，但啲炸蒜就好香好香，香到我哋都忍唔住就咁食咗幾啖。
隻蟹好大隻，兩個人分都好夠食。蟹肉唔會煮得過老，食嗰陣仲係好滑，同埋雖然係避風塘炒嘅，但都仲會食到蟹肉嘅鮮甜味，好正。
避風塘炒蟹當天要用手食先最有風味啦。雖然餐廳有洗手間可以洗手，但餐廳都好貼心咁提供左濕紙巾俾我哋，咁就方便好多啦。
而店員亦都好好態度，喺我哋食蟹嗰陣會主動過黎幫我哋換碟，咁啲蟹殼就唔洗堆到周圍都係啦。
避風塘香辣蟹
$588
10 瀏覽
0 讚好
0 留言
🥚3.6牛奶炒蛋白 $155
呢個清清地，炒蛋白上面有蝦仁同蟹子，賣相好靚。旁邊都有啲小棠菜同埋蕃茄，感覺就更加清新啦。
炒蛋白仔細咁品嚐嗰陣，會有淡淡的奶香，幾好食。
3.6牛奶炒蛋白
$155
12 瀏覽
0 讚好
0 留言
🐟香辣海參小棠菜 $168
呢個炒得好香，海參切成一條條，好方便食。而口感亦都爽脆彈牙，調味適中。海參份量好多，好似食極都仲有咁，好抵食。
另外仲有好多小棠菜，而我又好鍾意小棠菜，所以好鍾意呢個餸。
除咗有一嚿嚿小棠菜放喺旁邊之外，仲有一啲切成細細片嘅小棠菜撈埋落啲海參同菇類一齊炒，好食。
菇類都係切成一條條，咬落去好彈牙。
香辣海參小棠菜
$168
9 瀏覽
0 讚好
0 留言
🍹馬來西亞咸水梅桔仔冰 $18
見到桔仔冰呢個名覺得好得意，加上店員話冇呢個特飲好適合解辣，所以我地兩個就叫咗黎試吓啦。
每當食到覺得有啲辣嘅時候，就飲一啖桔仔冰，真係瞬間解辣，好有效。味道其實都同鹹柑桔差唔多，不過飲得出唔係用粉沖嘅，同埋唔會係單用甜味去蓋過辣味，而係真係有柑桔味。
馬來西亞咸水梅桔仔冰
$18
5 瀏覽
0 讚好
0 留言
唔知係呢排特別做優惠定係點啦，但我哋今日叫嘅避風塘香辣蟹、小菜同埋小食都有半價優惠（ +1服務費按原價計算，我寫嘅價錢係原價）。咁樣價錢就變得相當抵食啦。
特別一提，門口等位嗰度有兩隻好可愛嘅蟹仔cushion。因為我好鍾意公仔，所以我見到嗰陣覺得好開心。
張貼
