Burger Mate

營業中

休息中

今晚係尖沙咀行完街就周圍揾野食。今次老公話要食Burger, 見到附近有間Burger Mate,就去試下先。呢到主打即叫即整，我地就叫左瑞士芝士安格斯牛漢堡，黑松露蘑菇安格斯牛漢堡，黑松露薯條。由於佢係即叫即整塊牛漢堡聞住佢煎好，一黎到好大份，有生菜，蕃茄，炒過既洋蔥，最緊要係嗰塊勁香勁Juicy嘅牛肉，而且塊包都係煎過，真係好正！至於黑松露蘑菇安格斯牛漢堡，呢個更加好食，黑松露，2塊包嘅脆，蕃茄勁大塊又多汁但全部都搶唔走肉嘅鮮香味，真係好夾好好食。黑松露薯條有勁多醬，每啖都有黑松露醬，好味到唔洗點茄汁！另外汽水我地點左可樂，同雀檸。