拾味正宗刀削麵館 (歌賦街) (已結業)

今日中午喺歌賦街揾野食，見到拾味正宗刀削麵館，被門面招牌的「 正宗」和「即叫即削」吸引了進去。朋友點了泡椒鳳爪刀削麵$58配凍檸茶+$8，鳳爪和麵的份量都很多，分開上， 鳳爪有蒜香，少少辣，十分爽口。我點了素食冷刀削麵$65，配熱咖啡+$6，冷刀削麵咬落清涼，口感彈牙，麵條大小粗幼削得均勻，配料有青瓜絲、木耳、粟米粒和黃金芝麻醬，份量大，夠曬飽肚。除了主打的刀削麵外， 亦有多款滋味小食可供選擇， 我們點了花雕醉雞$65，酒味有點太濃， 覺得有些苦，但雞肉算滑。總結來說，這家小店的價錢合理，味道正常，地方不大，但環境算舒服，服務幾也好，中間位置有一部大電視播放著刀削麵的過程，不錯。