楚撚記大排檔 (馬頭圍道) (已搬遷) 新店位置

原來有一間好食大排檔係附近。住左士瓜灣甘耐，晚餐食黎食去都係個幾間，食到好厭。平時留意馬頭圍道呢邊有條巷仔，今晚經過，好多人係店外企係度排隊，多人得誇張，企到出大街。忍唔住叫左幾味餸外賣試下。不過我就醒啦，一路行返屋企，一路用UberEats apps落order，甘多人唔通同你地一齊企係度等咩🙈🙈😋黃金蛋黃炸魚皮，金沙蛋黃九肚魚。用鹹蛋黃炸，好好食，每一盒都見到仲有好多蛋黃碎碎，外賣魚皮一樣脆。😋楚撚記原隻脆皮炸豬手 。肉質都幾嫩滑多肉, 咬落好有口感，份量十足成個外賣盒爆晒!😋豉椒鵝腸（辣) 。好岩食開濃味野既老公，不過我食落覺得都幾辣下，好多好多鵝腸，平時去其他地方叫呢個餸，配菜一定係多過鵝腸。呢度竟然係相反，即刻覺得好抵食。