影片
更多
2021-10-03
112 瀏覽
今日嚟到雅. 悠蔬食晚餐。之前從未試過去素食餐廳食飯，見食評評價好高，近排食嘢又較重口味，想話素一素清下腸胃，就嚟咗呢到啦！叫咗兩個餸：悠蔬食小食拼盤（$158）、素瑤柱金菇扒時蔬（$108）。小食拼盤有五款：酥脆腐皮卷、泰式如餅、泰式哈餅、酥炸蒟蒻、吉列牛油果。先講酥脆腐皮卷，腐皮口感豐富，外皮薄、香、脆，內層腐皮又有好多層，好好嚼口。泰式如餅同哈餅，唔講真係以為係用肉整架，因為整得好彈牙，又有淡淡蝦、魚味，而如餅亦有點香茅味，如餅薄身啲，哈餅一塊好厚，所以咬落口真係啖啖「肉」呀。酥炸蒟蒻口感就好似魚蛋咁彈牙，冇諗到平時好似甜品咁嘅蒟蒻，經師傅巧手製作，會整到咁嘅效果！好掂！最後就係吉列牛油果，牛油果打碎，外包一層紫菜，再沾脆漿炸。被紫菜包住嘅牛油果口感綿滑清新之餘，又有紫菜嘅香味，外層脆漿好薄，所以唔會覺得好油膩，係五款小食入面最令我驚喜嘅一款！素瑤柱金菇扒時蔬，菜夠清甜夠嫩，用瑤柱金菇打個芡汁，舖係面頭，芡汁味道鮮味，濃稠度適中，口味剛剛好，唔會好鹹，撘配蔬菜食用就唔會好寡！呢味菜式夠哂健康，美中不足係份量較少，兩個人食嘅話就唔太夠了！但因為本身有嗌個小食拼盤，所以仍然飽到上心口
叫咗兩個餸：悠蔬食小食拼盤（$158）、素瑤柱金菇扒時蔬（$108）。
小食拼盤有五款：酥脆腐皮卷、泰式如餅、泰式哈餅、酥炸蒟蒻、吉列牛油果。
先講酥脆腐皮卷，腐皮口感豐富，外皮薄、香、脆，內層腐皮又有好多層，好好嚼口。泰式如餅同哈餅，唔講真係以為係用肉整架，因為整得好彈牙，又有淡淡蝦、魚味，而如餅亦有點香茅味，如餅薄身啲，哈餅一塊好厚，所以咬落口真係啖啖「肉」呀。酥炸蒟蒻口感就好似魚蛋咁彈牙，冇諗到平時好似甜品咁嘅蒟蒻，經師傅巧手製作，會整到咁嘅效果！好掂！最後就係吉列牛油果，牛油果打碎，外包一層紫菜，再沾脆漿炸。被紫菜包住嘅牛油果口感綿滑清新之餘，又有紫菜嘅香味，外層脆漿好薄，所以唔會覺得好油膩，係五款小食入面最令我驚喜嘅一款！
素瑤柱金菇扒時蔬，菜夠清甜夠嫩，用瑤柱金菇打個芡汁，舖係面頭，芡汁味道鮮味，濃稠度適中，口味剛剛好，唔會好鹹，撘配蔬菜食用就唔會好寡！呢味菜式夠哂健康，美中不足係份量較少，兩個人食嘅話就唔太夠了！但因為本身有嗌個小食拼盤，所以仍然飽到上心口，食唔哂啲小食😝 呢間值得再嚟！！
張貼
