影片
更多
2024-12-11
90 瀏覽
臨近聖誕節滿街都係霓虹燈飾，今日決定出去尖沙咀食晚飯同埋睇吓燈飾。嚟咗呢間充滿日式風味嘅餐廳。好滿足仲食埋個甜品先走。豪華原條鰻魚茶漬飯超大條嘅蒲燒鰻魚，條魚仲長過碗飯。魚肉好肥厚，呢條係厚切鰻魚唔係薄切切嗰款。食落去啲魚汁爆曬出嚟，調味啱啱好，唔會過喊。值得一讚嘅係有少少Wasabi點綴，令到成個感覺唔會好油膩。最精華係配個魚湯，本身以為係簡單嘅日式茶，點知係一個鮮味嘅魚湯，配埋成個飯食非常夾。讚讚！牛肉壽喜燒定食壽喜燒非常精緻，用咗一個非常精美嘅日式小鍋嚟上菜。入邊材料好豐富，牛肉一啲都唔孤寒，油脂比例啱啱好。湯汁非常之濃郁。林埋喺個飯食一流。另外個飯配埋兩個非常用心嘅前菜，用嚟送飯好開胃。炸南瓜餅南瓜餅炸到外脆內軟，好惹味。甜度啱啱好真係想食多兩舊。冰忌廉抹茶拿鐵抹茶味非常之濃郁，啱晒抹茶控。忌廉應該經過啲特別調製，口感比較厚實豐富。飲品好出色值得一試。鐮倉紅葉茶屋抹茶提拉米蘇甜品個賣相好精緻用心，甜品師特別做咗一個紅葉擺喺Tiramisu上面，整得好靚。一啖食落去好軟綿綿，綠茶味好夠,成個感覺好夾，圓滿咗成餐飯。我哋坐咗喺窗口一路望到啲遊客巴士喺度玩，我哋就一路坐喺度食嘢都幾c
今日決定出去尖沙咀食晚飯同埋睇吓燈飾。嚟咗呢間充滿日式風味嘅餐廳。
好滿足仲食埋個甜品先走。
豪華原條鰻魚茶漬飯
超大條嘅蒲燒鰻魚，條魚仲長過碗飯。
魚肉好肥厚，呢條係厚切鰻魚唔係薄切切嗰款。食落去啲魚汁爆曬出嚟，調味啱啱好，唔會過喊。值得一讚嘅係有少少Wasabi點綴，令到成個感覺唔會好油膩。
最精華係配個魚湯，本身以為係簡單嘅日式茶，點知係一個鮮味嘅魚湯，配埋成個飯食非常夾。讚讚！
牛肉壽喜燒定食
壽喜燒非常精緻，用咗一個非常精美嘅日式小鍋嚟上菜。入邊材料好豐富，牛肉一啲都唔孤寒，油脂比例啱啱好。湯汁非常之濃郁。林埋喺個飯食一流。另外個飯配埋兩個非常用心嘅前菜，用嚟送飯好開胃。
炸南瓜餅
南瓜餅炸到外脆內軟，好惹味。甜度啱啱好真係想食多兩舊。
冰忌廉抹茶拿鐵
抹茶味非常之濃郁，啱晒抹茶控。忌廉應該經過啲特別調製，口感比較厚實豐富。飲品好出色值得一試。
鐮倉紅葉茶屋抹茶提拉米蘇
甜品個賣相好精緻用心，甜品師特別做咗一個紅葉擺喺Tiramisu上面，整得好靚。
一啖食落去好軟綿綿，綠茶味好夠,成個感覺好夾，圓滿咗成餐飯。
我哋坐咗喺窗口一路望到啲遊客巴士喺度玩，我哋就一路坐喺度食嘢都幾chill幾寫意。食到捧住個肚滿足咁走。
張貼
