霸嗎拉麵 (德己立街)

營業中

休息中

今晚喺中環做完嘢,路經平時成日要排隊排到灰嘅拉麵館竟然無人排,雖然六點幾咁早唔係太肚餓,但見到咁嘅場面,諗都唔諗就即刻跳入去,第一次去到,睇睇menu..諗都唔駛諗就點左個招牌拉麵,豚骨拉麵。嘩!拉麵一嚟到極度香,骨湯味道超濃,忍唔住即刻飲啖湯,正!超級濃湯!之後食啖麵,彈牙到你吖，好味！再食啖豚肉，再一次嘩一聲，喺燒過嘅豚肉面上咬落去,口感十足,肉又彈,肉汁又鮮，無得頂!食完嘅感覺只有四個字-極度滿足！成日要排隊真係好有原因。比起好出名嗰間嚟講,呢間起碼高左一班,真心話!