影片
更多
2019-02-25
1795 瀏覽
同男朋友撐枱腳揀咗鍋居打邊爐，招牌麻辣花生依舊不變，香脆美味又醒胃。今次湯底揀咗呢個鹹菜胡椒豬肚煲，但係味道就淡左啲，料係足嘅不過就未夠火喉，隻色都睇得岀冇平時嗰啲胡椒豬肚煲咁奶白色，不過80幾蚊算係咁上下啦。手切肥牛大碟就$158 細碟就$128,脂肪分佈得好均勻，而且又咬口又有牛肉既鮮味！必食之選！呢個芝心牛丸都係必食推薦，食嘅時候就要小心啲小心辣親個咀仔，牛丸質感非常彈牙，芝士味亦濃厚，好味雖然自己本身唔係好鍾意食魚，不過男朋友話呢間嘅脆內魚腩係食過最好食嘅，既新鮮又大件抵食！所有蔬菜類都大大份，起碼有半斤，啱晒一大班人打邊爐食！店長推介話響鈴係即炸既，要趁熱食，不過個人覺得太多油，食一件就已經好油膩最後就係是日精選，店長推介每日唔同嘅限定海鮮，而當日就做緊加拿大蚌，優惠價$108有四粒，係就係話做特價，不過我都係覺得貴左少少但係好食嘅，口感好爽甜，索曬湯底嘅精華。So far 除咗湯底爭小小之外，其他食品都保持到水準，大家下次去可以試吓叫其他湯底，但係講明先價錢唔算平的。。。
招牌麻辣花生依舊不變，香脆美味又醒胃。
今次湯底揀咗呢個鹹菜胡椒豬肚煲，但係味道就淡左啲，料係足嘅不過就未夠火喉，隻色都睇得岀冇平時嗰啲胡椒豬肚煲咁奶白色，不過80幾蚊算係咁上下啦。
手切肥牛大碟就$158 細碟就$128,脂肪分佈得好均勻，而且又咬口又有牛肉既鮮味！必食之選！
呢個芝心牛丸都係必食推薦，食嘅時候就要小心啲小心辣親個咀仔，牛丸質感非常彈牙，芝士味亦濃厚，好味
雖然自己本身唔係好鍾意食魚，不過男朋友話呢間嘅脆內魚腩係食過最好食嘅，既新鮮又大件抵食！
所有蔬菜類都大大份，起碼有半斤，啱晒一大班人打邊爐食！
店長推介話響鈴係即炸既，要趁熱食，不過個人覺得太多油，食一件就已經好油膩
最後就係是日精選，店長推介每日唔同嘅限定海鮮，而當日就做緊加拿大蚌，優惠價$108有四粒，係就係話做特價，不過我都係覺得貴左少少但係好食嘅，口感好爽甜，索曬湯底嘅精華。
So far 除咗湯底爭小小之外，其他食品都保持到水準，大家下次去可以試吓叫其他湯底，但係講明先價錢唔算平的。。。
張貼
