影片
更多
2021-02-09
1582 瀏覽
星期六我同呀媽去銅鑼灣買嘢過年，四周圍都好多人，我哋行咗去鵝頸橋嗰邊食晏。「馬泰」🇲🇾🇹🇭係一間值得推介嘅小店，之前食過覺得可以用平靚正形容。餐廳兩點鐘就已經開始做下午茶時段，週末亦唔例外，所以我哋都等咗陣先有位，人氣超高👏。小店環境唔失禮，有牆畫亦有用粉筆畫嘅食物圖。同時，呢度衛生唔錯，餐具同餐枱都乾淨。下午茶套餐有相當多選擇，定價介乎$52至$66不等，包主菜同飲品，另外仲可以加錢搭配小食。後尾我發現其實午餐都只係每款貴$10左右，喺呢區算幾抵食👍。馬來無骨海南雞喇沙($62)，呢個組合簡直係一次過滿足兩個願望✌🏻。海南雞同喇沙分開上，份量絕對無因為係茶市而減少。先講海南雞🐓，去骨確係方便食用，味道唔錯兼肉嫩，並附有兩款醬汁同花生蘿蔔絲一齊食，夠正宗。但有少少可惜係雞肉偏薄，雞皮同雞肉嘅比例係1:2。喇沙好足料🍜，有豆卜、辣椒醬、蝦皮、半隻蛋以及芽菜等。麵底原來預設係參參，即係油麵拼米粉，不過如果有得揀淨米粉就更啱我。湯頭帶點椰香味，但辣度都唔弱。泰式青咖哩飯($62)，🥘咖哩有得揀牛肉或者雞肉，因為呀媽唔食牛，所以都係揀咗雞，估唔到雞肉係用上大塊煎雞扒，大到可以切成八件，而且外皮
星期六我同呀媽去銅鑼灣買嘢過年，四周圍都好多人，我哋行咗去鵝頸橋嗰邊食晏。「馬泰」🇲🇾🇹🇭係一間值得推介嘅小店，之前食過覺得可以用平靚正形容。
餐廳兩點鐘就已經開始做下午茶時段，週末亦唔例外，所以我哋都等咗陣先有位，人氣超高👏。小店環境唔失禮，有牆畫亦有用粉筆畫嘅食物圖。同時，呢度衛生唔錯，餐具同餐枱都乾淨。
下午茶套餐有相當多選擇，定價介乎$52至$66不等，包主菜同飲品，另外仲可以加錢搭配小食。後尾我發現其實午餐都只係每款貴$10左右，喺呢區算幾抵食👍。
馬來無骨海南雞喇沙($62)，呢個組合簡直係一次過滿足兩個願望✌🏻。海南雞同喇沙分開上，份量絕對無因為係茶市而減少。先講海南雞🐓，去骨確係方便食用，味道唔錯兼肉嫩，並附有兩款醬汁同花生蘿蔔絲一齊食，夠正宗。但有少少可惜係雞肉偏薄，雞皮同雞肉嘅比例係1:2。
馬來無骨海南雞喇沙
$62
24 瀏覽
0 讚好
0 留言
泰式青咖哩飯
$62
16 瀏覽
1 讚好
0 留言
馬來杏仁蝦餅(+$28)，我相信呢度嘅蝦餅係自家製🍤，而唔係入貨嗰種水泡蝦餅，感覺好有誠意。蝦膠層夠厚，雖然唔算超彈牙；外皮以杏仁片取代麵包糠，食落無後者咁脆，但亦都無咁熱氣。
芭堤雅炭燒豬頸肉
$28
15 瀏覽
0 讚好
0 留言
斑蘭椰汁冰
13 瀏覽
0 讚好
0 留言
總括嚟講，小店嘅出品真係好高質😋，就連我媽都好滿意。其實好食就係咁簡單，無需浮誇嘅擺盤或刻意用上奢華嘅食材。食物以外，店員們態度都好好，有禮貌又會同客人吹水，服務亦貼心，會提供口罩紙袋。推介🌟！
張貼
