影片
更多
2024-06-26
161 瀏覽
尖沙咀真係一個搵食好地方，同朋友行過呢間火鍋店，覺得個舖名「狗毛」好得意，原來係「The hair of the dog」嘅意思～由大門口望入去，見到裝修好有格調，就決定今晚聚會去呢度啦！職員仲安排咗圓枱俾我地，坐得好舒服！喺我地心大心細點菜時，職員已經問我地要唔要麻辣鴨血做即食前菜，免費架～！我去親打邊爐都實叫鴨血，當然唔會錯過啦！食住個鴨血去點菜，好快就點到一枱都係～湯底我地揀咗冬䕃功湯鍋，因為餐廳除咗火鍋，仲有好多泰菜可以點呢！咁湯底就試下泰國風味啦，連辣度都可以揀，果然冇揀錯！打邊爐首先唔少得牛肉啦，美國精選封門柳一上枱就靚到嘩嘩聲，食落都好香口，點埋個湯汁更加正~驚唔夠肉食，我地又叫咗份美國肥牛（中）同埋蒙古羊肉片（半份），可以根據胃口點中或者大，我地就叫晒中size，因為可以試多ｄ～脆鯇腩同鱔片我地都叫咗半份，兩款魚都好彈牙～炸芋頭叫咗半份但份量都好充足，放入鍋中吸晒冬䕃功湯汁，真係好好味呀！蝦膠腐皮卷比較少見，又係吸湯汁之作，索到滿滿湯汁，腐皮夾埋生菜同蝦膠，大滿足呀！最正就係個湯底食到最後都唔會變到水咁淡，真係可以當湯飲呀～飲品方面，我地叫咗一壺龍眼蜜，兩個人每人都分到
喺我地心大心細點菜時，職員已經問我地要唔要麻辣鴨血做即食前菜，免費架～！我去親打邊爐都實叫鴨血，當然唔會錯過啦！食住個鴨血去點菜，好快就點到一枱都係～
湯底我地揀咗冬䕃功湯鍋，因為餐廳除咗火鍋，仲有好多泰菜可以點呢！咁湯底就試下泰國風味啦，連辣度都可以揀，果然冇揀錯！
打邊爐首先唔少得牛肉啦，美國精選封門柳一上枱就靚到嘩嘩聲，食落都好香口，點埋個湯汁更加正~
驚唔夠肉食，我地又叫咗份美國肥牛（中）同埋蒙古羊肉片（半份），可以根據胃口點中或者大，我地就叫晒中size，因為可以試多ｄ～
脆鯇腩同鱔片我地都叫咗半份，兩款魚都好彈牙～
炸芋頭叫咗半份但份量都好充足，放入鍋中吸晒冬䕃功湯汁，真係好好味呀！
蝦膠腐皮卷比較少見，又係吸湯汁之作，索到滿滿湯汁，腐皮夾埋生菜同蝦膠，大滿足呀！最正就係個湯底食到最後都唔會變到水咁淡，真係可以當湯飲呀～
飲品方面，我地叫咗一壺龍眼蜜，兩個人每人都分到3、4杯，好抵飲～
呢度服務好好，職員臉帶笑容好友善，要請朋友食飯就夠晒有頭有面啦～
張貼
