影片
更多
2023-07-19
20 瀏覽
今日嚟到天后食鐵板燒，呢間餐廳嘅位置非常之好，可以飽覽天后銅鑼灣一帶嘅景色。叫咗個1380嘅套餐，師傅喺面前準備食材都已經好吸引。有別於一般嘅鐵板燒餐廳，呢度仲有埋刺身食，可以享受雙重嘅體驗！⭐️季節前菜(2款）前菜有兩款，好有誠意。分別係北海道粟米配蕃茄，非常之鮮甜！另外一個湯有滿滿嘅骨膠原，裏面有靜岡縣筍菜腐皮，口感豐富👍⭐️刺身同樣有季節性刺身兩款，一個係北海道生蠔，裏面輕輕加咗柚子皮同啫喱，師傅話最好一啖食，滋味無窮！另外仲有魚刺身拼盤，右口魚、右口魚魚邊面頭燒過、大拖羅同赤身。每一款都非常美味，油脂好香！燒右口魚邊身金槍魚腩手卷，呢個手卷味道非常之正，裏面好豐富，因為輕輕消過，一放落口已經非常之香！⭐️鐵板燒黎到今晚最期待嘅鐵板燒，一上枱就係北海道帆立貝。賣相已經非常之吸引。帶子伴鮮海葵木魚清湯，加上自家製三文魚子，非常之好味！虎蝦蝦膏非常之香濃，見到師傅喺面前炒已經流晒口水。師傅仲將成個蝦尾燒得好香脆，配埋啤酒就一流！香煎鵝肝伴藍莓醬，食過唔少鵝肝但係配藍莓醬真係第一次食。呢個藍莓最重要係自家製，最尾仲配埋黑豆，可以令到食完之後感覺冇咁油膩🤤美國牛柳，用咗兩個唔同嘅方式去煮，包括
叫咗個1380嘅套餐，師傅喺面前準備食材都已經好吸引。有別於一般嘅鐵板燒餐廳，呢度仲有埋刺身食，可以享受雙重嘅體驗！
⭐️季節前菜(2款）
前菜有兩款，好有誠意。分別係北海道粟米配蕃茄，非常之鮮甜！另外一個湯有滿滿嘅骨膠原，裏面有靜岡縣筍菜腐皮，口感豐富👍
⭐️刺身
同樣有季節性刺身兩款，一個係北海道生蠔，裏面輕輕加咗柚子皮同啫喱，師傅話最好一啖食，滋味無窮！
另外仲有魚刺身拼盤，右口魚、右口魚魚邊面頭燒過、大拖羅同赤身。每一款都非常美味，油脂好香！
燒右口魚邊身金槍魚腩手卷，呢個手卷味道非常之正，裏面好豐富，因為輕輕消過，一放落口已經非常之香！
⭐️鐵板燒
黎到今晚最期待嘅鐵板燒，一上枱就係北海道帆立貝。賣相已經非常之吸引。帶子伴鮮海葵木魚清湯，加上自家製三文魚子，非常之好味！
虎蝦蝦膏非常之香濃，見到師傅喺面前炒已經流晒口水。師傅仲將成個蝦尾燒得好香脆，配埋啤酒就一流！
香煎鵝肝伴藍莓醬，食過唔少鵝肝但係配藍莓醬真係第一次食。呢個藍莓最重要係自家製，最尾仲配埋黑豆，可以令到食完之後感覺冇咁油膩🤤
美國牛柳，用咗兩個唔同嘅方式去煮，包括原味煎香同埋包住炒過嘅蔥，配蒜片食好唔錯👍
⭐️黑松露炒飯同炒雜菜
食咗刺身同鐵板燒已好飽，點知仲有黑松露炒飯同炒雜菜。黑松露同蟹肉一齊炒，味道好出非常之香口。
⭐️蕨餅配綠茶布甸 海鹽雪糕
最尾點少得甜品，估唔到佢呢度嘅甜品亦都非常之出色，特別係個蕨餅，口感好煙韌勁想encore！
整體嚟講呢間鐵板燒餐廳選擇同埋嘢食都好多，如果有咩特別節日想慶祝，係一個好唔錯嘅選擇。見到有唔少人嚟到呢度慶祝生日或者周年紀念！
張貼
