影片
港鐵天后站 A2 出口, 步行約2分鐘
繼續閱讀
電話號碼
23326200
67906894 (WhatsApp)
開飯介紹
這日式鐵板燒餐廳供應不同價位的廚師發辦，價錢豐儉由人。餐廳裝潢結合西、日式風格，可眺望維港景色；若坐在吧檯更可近距離觀賞師傅製作菜式，增加視覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
影片
相片
香煎鵝肝伴自家制醬汁
+6.8K
+152
食家推介
-
自家製醬汁煮南非鮑魚
-
煙肉香蒜炒飯
-
炒雜菜
-
野生生猛龍蝦
-
海鮮茶碗蒸+26
今晚黎左呢間可以望住維景嘅鐵板燒餐廳食飯，我哋坐係Bar枱前，可以望住大廚烹製食物。汁煮南非鮑魚已經切好左一小塊，入口好淋好入味。季節刺身三款廚師有介紹食邊款的先後次序，三款都好新鮮肥美，特別係油甘魚。金鎗魚腩手卷一啖入口啖啖金鎗魚腩碎，好滿足。海鮮茶碗蒸上枱熱辣辣，個蛋蒸到好滑🥰🥰燒龍蝦已經切好左一口的啖啖龍蝦肉，個調味做得剛剛好，如果想清新啲仲可以jit啲檸檬汁。香煎鵝肝伴自家制醬汁佢個鵝肝煎到外層有少少焦脆，入面仲好軟身juicy，調味剛剛好，唔使點個醋汁已經好好食，好肥美。日本宮崎和牛叫左五成熟，入口即溶，牛肉味又夠濃郁，可以夾埋食的配菜都好多，特別中意佢個Wasabi海帶，可以中和返個油膩感。西班牙黑毛豬估唔到呢個幾有驚喜，有肉汁得黎又好淋👍👍煙肉香蒜炒飯炒飯粒粒分明，加上個唔係死咸的煙肉，好食。炒什菜正常是日甜品抹茶布丁抹茶味都幾夠呢度環境幾好，食完個身都唔會有油煙味，職員服務態度都好好，特別係個大廚，會介紹每一款食材☺️☺️
繼續閱讀
無意間見到呢個午巿價惠，假期都用到，加埋一都只係三百零仲諗緊會唔會有伏，努力爬文有圖有真相，試完覺得非常滿意，服務真係100分不論係廚師定店員，食物方面係物超所值，本身諗住叫龍蝦鮑魚餐，點知老人家當天狀態麻麻，又唔想no show，所以今次小試牛刀，下次要再嚟食豪D！ ⚜️日式鐵板燒午市套餐 $280⚜️＝＝＝＝＝＝＝＝＝＝＝＝🥢季節前菜 - 合桃小女子⭐️⭐️⭐️⭐️合桃加上白芝麻香脆可口，魚仔軟腍好味。🥢南非鮑魚⭐️⭐️⭐️⭐️鮑魚切薄片易入口，口感軟熟老人家都容易食到，蘸旁邊嘅秘製明太子醬一齊食更見惹味。🥢香煎鵝肝伴自家制醬汁 (另加 $70)⭐️⭐️⭐️⭐️鵝肝外脆內軟，油脂非常豐富，厚度大約有1cm，好滿足好想再追加多件。🥢美國頂級牛肉⭐️⭐️⭐️⭐️揀咗5成熟厚切牛肉，入口即化，肉味重油脂香。🥢鹿兒島櫻花蝦炒飯⭐️⭐️⭐️⭐️黃金炒飯炒得好靚好乾身，每啖飯都食到炒香咗嘅櫻花蝦，好味。🥢麵豉湯⭐️⭐️⭐️夠熱辣香濃。🥢炒雜菜⭐️⭐️⭐️賣點係碟邊嘅秘製醬料，唔辣但咸香，配椰菜食一流。🥢是日精選甜品 - 冰粉⭐️⭐️⭐️口感似啫喱嫩滑爽口，加葡萄汁可以彌補冰粉嘅味道不足。 三人共消費 : $1185
繼續閱讀
今天要介紹的餐廳位於天后，是一家一覽維港海景既鐵板燒餐廳。一開電梯門後就撲面而來的是鐵板炙燒的焦香。餐廳主打鐵板燒和新鮮刺身，環境簡約高雅，最特別呢度可以望到日落時分的美景。現在餐廳做緊優惠，特選和牛套餐僅需 $880 就能品嚐到龍蝦、鵝肝、南非鮑魚及宮崎和牛，性價比超高！今次我哋叫左和牛套餐共13道菜自家製醬汁煮南非鮑魚鮑魚底下的蘿蔔吸滿了醬汁精華，軟而不爛，而鮑魚搭配七味粉和海苔粉，鹹甜平衡，令鮑魚的鮮味甘甜更突出。季節刺身三款包含深海池魚、真鯛刺身，魚肉新鮮彈牙，搭配蔥檸檬調味，鮮甜冇腥味。金鎗魚腩手卷餐廳好有創意地以炸鱈魚乾替代紫菜，金黃酥脆，金鎗魚腩的油脂與鱈魚乾的鹹香相得夾，口感豐富。海鮮茶碗蒸蟹肉鋪滿蛋面上，鮮甜渗入蛋液，蛋亦蒸得滑溜。季節吸物今期吸物係魚湯，乳白色魚湯散發濃郁香氣，加上用魚骨熬煮湯更有魚味。野生生猛龍蝦龍蝦肉緊實彈牙，鐵板煎烤鎖住龍蝦鮮味和甜味，主廚用蝦膏回淋，鮮味層層堆疊，口感絕佳。香煎鵝肝伴自家制醬汁鵝肝外層煎得焦脆，內裡入口即化，搭配意大利黑醋平衡膩感，加埋清甜的日本柑肉一齊食增添風味。日本宮崎和牛五成熟的和牛入口即化，油脂分布均勻，搭配玫瑰鹽、芫荽昆布絲和蒜片。煙肉香蒜炒飯鐵板炒飯香氣十足，飯粒乾爽，呢個飯可以見識到廚師功架。炒雜菜 雜菜經猛火快炒仍保留爽脆，搭配日本蒜蓉醬，令菜更加香口。是日精選甜品宴．鐡板燒 (天后)天后電氣道54號亨環‧天后24樓港鐵天后站A2出口，步行約2分鐘
繼續閱讀
餐廳環境靚 頂樓可望維港食物賣相一流，鮑魚有驚喜，原味都好好味 ， 少少焦香味同夠腍 加咗醬又有唔同嘅口味不錯不錯。牛肉原味都好好食，好有牛肉味，不過如果再點鹽就有少少鹹 。炒飯唔太乾唔腍 ，加咗好多櫻花蝦夠哂香口。每樣食物份量少少地 都夠飽肚。甜品就略為無乜太大特別。用餐時間充足 唔會太趕 可以選擇坐bar枱 或者卡位！總括嚟講食物質素唔錯，值得一試 。 如果生日慶祝可以加$50 佈置甜品加一個happy birthday 牌。
繼續閱讀
今次要講嘅係一間可以望住維港景色嘅鐵板燒餐廳🌃坐喺bar枱可以望住師傅整嘢，都係一種樂趣😆呢個特選和牛鐵板餐可以話係抵食之選👇🏼🎬 自家製醬汁煮南非鮑魚經過特別調製醬汁煮過嘅鮑魚入晒味😋肉質唔會硬，但係留有煙韌彈牙嘅口感👍🏼𝄢..🎬 季節刺身3款當日食嘅3款時令刺身係大池魚、赤身同埋真鯛🐟魚肉爽身，帶有濃厚魚油香😶🌫️記得要順返次序食，由淡至濃🤤最特別當然係配上松露油嘅真鯛，唔需要沾豉油，喺魚肉上增添多一份松露香👍🏼𝄢..🎬 金鎗魚腩手卷手卷棄用傳統嘅紫菜底，改用脆片底多一層口感🤌🏼同時可以配埋紫蘇葉，味道上同金鎗魚腩係相夾，亦令到味道可以多變化🤓𝄢..🎬 海鮮茶碗蒸茶碗蒸因為有用到蟹肉🦀所以味道特別鮮甜！面頭有一浸高湯，混合埋滑嘟嘟嘅蒸蛋食，鮮味更加突出😋𝄢..🎬 季節吸物用一碗暖笠笠嘅魚湯做一個過場🐟湯頭極鮮甜，散發出豐厚嘅魚香，飲完好舒服😌𝄢..🎬 野生生猛龍蝦啖啖肉嘅龍蝦🦞用上龍蝦膏做一個醬汁，味道濃郁惹味👍🏼每一口都好實在唔會霉身！覺得唔夠味先再加檸檬汁，否則就咁食都已經好夠味😋𝄢..🎬 香煎鵝肝伴自家制醬汁用上嘅係法國鵝肝，所以唔會有膻味😲爆油之選，離遠已經聞到香氣😶🌫️入口即溶，滿口肝油，極邪惡但又抗拒不了🤭𝄢..🎬 日本宮崎和牛五成熟已經好足夠，保留住粉紅色肉色😍肉味香濃，油脂就更豐富😆細心地跟咗幾款配搭，鹽漬海帶係更為特別，不過本身味道都夠，所以又唔一定要搭埋食😌𝄢..🎬 煙肉香蒜炒飯加咗煙肉嘅炒飯特別香口，因為有肉香嘅油份加入🥓連埋其他配料一齊炒到粒粒金黃，幾飽都要食😋𝄢..🎬 炒什菜埋尾食返個炒芽菜去一去油膩😆𝄢..🎬 是日精選甜品甜品都係由師傅親自製作，抹茶奶凍同大福😍奶凍除咗滲透住濃郁嘅抹茶香🍵亦唔覺得佢好甜👍🏼咁就唔怕食飽之後再增加負擔🤪成功捧住個肚走🤰🏻價錢合理，食物質素高，撐枱腳或者慶祝都好啱👍🏼🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 ➤ 8️⃣✿
繼續閱讀
您可能會有興趣的...