Woke (裝修中)

聞說中環有間以CBD做主題的餐廳，反正都在中西區返開工，一於走去試下!餐廳位於中環威靈頓街，有兩層，地下類似酒吧格局，而樓上兩層就係餐廳座位。座位設計簡約，玩黑色同木元素風格，十分鐘意呢類佈置!望下餐牌，見個lunch set幾特別，好! 一於試下。前菜係兩個麵包仔加雞肝，淡淡小麥香味，配上香濃雞肝醬，頓時令我食指大動。再飲一杯氣泡酒，酒入面放左粒CBD軟糖，仿佛每一啖都是迷幻與激情。開胃菜到了，靚女侍應侃侃而談，介紹每款菜式的做法。吞拿魚沙律，用左藍旗吞拿魚，入面配了橘類型的水果如檸檬、西柚做配菜，底部的墊薄片都係用橙汁同西柚煮完再焙乾而成。所似魚肉好清新鮮嫩。第二款係蕃茄凍湯，凍湯係用日本醬油、話梅汁蘸過，而本身的蕃茄汁係通過滴溜而制成的。味道酸酸清新幾特別。牛肉他他漢堡，所謂的他他牛肉，就係將牛肉剁碎，他他牛肉面係放左個蘸了的鵪鶉蛋蛋黃。呢款菜應該係四道菜入邊最好食的一款。牛肉口感佳，真的沒有根肉碎，鵪鶉蛋蛋黃畫龍點晴，激發左牛肉的鮮味，美中不足係個漢堡包太迷你了，真係唔夠喉呢。第四道菜係刁草汁忌廉鱸魚，底下以煙肉同菠菜墊鋪。刁草汁忌廉充滿森林同田園氣息，鱸魚慢火煎煮，肉質鮮甜。