嵐橋丼飯專門店 (已結業)

唔行大商場，尖沙咀都有好多好味小店，今次同朋友去試新丼飯，新鮮之餘好足料，可以encore!小店店面唔大，不過都幾花心思裝修，用餐環境乾淨舒服。丼飯配搭幾多，海膽、蟹、吞拿魚呢d熱門食材當然有。唔食生野都有熟嘅選擇，除左丼飯仲有炸物、關東煮等小食，選擇都幾多。點左幾款關東煮試試，調味唔會死咸亦唔會過甜。最經典嘅蘿蔔夠入味，甜得黎冇根；山芋魚肉餅口感好特別，似海綿咁軟綿綿又吸滿湯汁，好得意最愛吞拿魚嘅我當然要點番個吞拿魚丼，中拖羅肥美有魚香，赤身少左d油脂但魚味更濃，兩樣都新鮮又好味！仲有吞拿蓉，同鵪鶉蛋撈埋送飯，都好甘香，而且份量好足，唔會食哂魚蓉仲有多多飯友人點嘅蟹丼，除左主角蟹仲有三文魚同吞拿魚蓉，超豐富。入面除左蟹肉蟹鉗仲藏左個甲羅燒，有送飯一流嘅甘香蟹膏。啖啖肉嘅松葉蟹鉗好鮮甜，蟹肉一樣多到食哂飯都仲有，連埋甲羅燒入面嘅蟹膏送飯，好滿足！另外一提店家嘅丼飯加入左蘆薈粒同醋啫喱，連埋飯食又幾清新。吹水唔少得嘅炸串，炸漿薄薄一層裹面，金黃香脆，最緊要係唔油膩，無論蔬菜定肉類都唔會乾身，唯一係雞肉稍為老左少少。食丼飯附上嘅麵豉湯，味道偏濃。丼飯新鮮足料，其他小食味道一樣唔錯，對呢間新