太平館餐廳

營業中

休息中

今日經過尖沙咀唔想周圍搵地方，先至喺呢間餐廳度食，尖沙咀真係第一次入去，同一個朋友仔上去嗌咗個瑞士汁炒牛河，份量少，一啲都唔覺得飽，個價錢又唔係平，但係個味道又唔係真係超級好味，但係佢啲瑞士汁確實係好濃，啲牛真係好少，根本就冇可能會飽，於是我哋就再嗌多個瑞士汁雞翼，同個牛河個味都係一樣，但係啲雞翼個size都好細隻，於是兩個人鼓起勇氣嗌咗個疏乎厘，確實個疏乎厘好大 ，好巨型，兩個人食確實有點吃力，但係因為太肚餓嘅原因，，所以其實個疏乎厘都有少少驚喜，因為佢做出嚟個樣確實係真係可以打卡嘅，但係你問我係咪真係好好食呢？我又覺得唔係真係超級無敵好食，如果價錢又唔係真係感覺上會覺得好值得去，不過佢個環境個裝修感覺好懷舊 所以好似如果未去過嘅可以感受吓呢間餐廳嘅氣氛，但係你話長期食我就唔會去幫襯。