森戶 (官塘立成大廈) (已結業)

Item: 森戶 (官塘立成大廈)
Rating: 5
Author: uncommon.common

Morito もりと (Kwun Tong Lap Shing Building)

4.5

156 食評

味道

環境

服務

衛生

抵食

6051

牛頭角

$101-200

日本菜壽司/刺身廚師發辦

127

uncommon.common

等級4

304

近排多咗喜歡Omakase，成日周圍去發掘又高質又抵食嘅Omakase，發現在牛頭角有一間日本料理，有抵食嘅Omakase，立刻走去試吓。

Omakase 有三款選擇，都幾百蚊好抵食，二話不說就同朋友點了。

～刺身～
首先嚟個刺身先，一碟就有四款刺身，非常豐富。
📌白子：白子其實就係雄魚嘅「精囊」，白子有豐富嘅魚精蛋白同脂類，細滑如奶油、入口即溶，沾上酸汁同蘿蔔蓉，味道更好。
📌深海池魚：深海池魚肉比較厚，肉質鮮嫩肥美而油脂亦非常厚，魚油甘香細膩，非常適合做刺身。
📌牡丹蝦：牡丹蝦係北海道三大名蝦之一，只有特定捕撈季節，過了就冇所以漁獲量非常少，所以相當珍貴，店這次用上大隻的牡丹蝦更是難能可貴，讚。
📌拖羅：拖羅有雪花似嘅油花非常肥美，小編一路食拖羅的油一路流出來，非常高質。

📌蒸蛋：小編好似有一段時間冇喺日本料理食到日本蒸蛋，這店嘅蒸蛋用上日本蛋，蛋香特別濃，加上有菇、蟹柳、葱、甚至有白果，非常吸引。

～壽司～
跟住就嚟到壽司，在食壽司，店提供自家醃蘿蔔漬，呈紅色加上酸酸甜甜，非常開胃。

📌白蝦：店就係有心思將平凡做到不平凡，在白蝦加一點柚子皮，增加甜度口感。
📌北海道帆立貝：帆立貝今次加了黑炭鹽，鹽有提鮮作用，讚。

📌活北寄貝：北寄貝加咗青檸汁令味道更清新。
📌活赤貝：有「貝類中的女王」之稱嘅赤貝味道非常鮮美，肉質又爽脆。

📌針魚：針魚的下顎尖長得似一根針，魚身幼長，肉質較淡但好，針魚片配上壽司飯，鮮甜感覺更實在。
📌加拿大牡丹蝦：這個牡丹蝦壽司師傅特意保留蝦尾，感覺新鮮，雖然冇用上日本牡丹蝦，但加拿大牡丹蝦亦相當不錯，仍然有嗰份鮮甜味。

📌鯖魚：鯖魚在日本料理比較多係照燒，這店用鯖魚做壽司，一定係因為對壽司新鮮度有信心。師傅話鯖魚冇醋漬過，因為本身油份和新鮮度已經足夠，入口亦真係感覺鮮甜。鯖魚上有薑蓉和葱花，可作點綴又可以增加一點口感。

📌鮫鰈魚：鮫鰈魚真係比較少見，小編今次又見到非常開心，鮫鰈魚係鰈魚中比較高檔，肉質比較細嫩鮮美彈牙，而師傅用心嘅係將有燒過的魚邊放在上邊，令到魚油由上面滲入到下面，第一次見，真係好有創意。
📌魴鮄魚：魴鮄魚魚身顏色呈粉紅同白色互相交雜，肉質比較扎實，味道亦清甜，師傅今次用蔥花辣椒蘿蔔鹽同芝麻，令魚味更特出。

📌金目鯛：金目鯛全身鮮紅，似大眼雞魚，愈大條油分愈甘香，係高級日本料理嘅常用食材，師傅用金目鯛做壽司，讚。
📌深海池魚：在刺身出現過深海池魚，壽司又再次出現，不過今次有醬油漬過，又加入紫蘇葉，令魚鮮味更特出。

📌鮟鱇魚肝：鮟鱇魚肝口感比鵝肝實少少，完全冇腥味，唔膩，加上用柚子酸汁醃過嘅葱花同辣椒蘿蔔鹽，令味道整體更出色。
📌燒拖羅薄片：拖羅通常刺身食，但燒亦唔錯，師傅將拖羅切薄片，燒過後仍然感覺肥美，仲有燒香味，非常喜歡。

📌吞拿魚臉頰肉：吞拿魚嘅臉頰肉肉質比較有彈性，係整條魚最貴同埋最有口感肉嘅部位，小偏編第一次食，印象深刻。
📌A4和牛：雖然冇用最頂級嘅A5和牛，但A4已經相當不錯，牛味出眾，肉質非常嫩滑。

📌海膽壽司：海膽壽司好似係Omakase嘅指定動作，日本海膽一向冇令人失望，一樣嘅鮮甜。

📌蔥拖羅蓉手卷：拖羅真係好利害，有好多食法，今次係拖羅蓉，拖羅嘅鮮味仍在只係口感變得更骨，放入手卷同紫菜一齊食，滋味無窮。

📌鯛魚湯：最後嚟個鯛魚湯，魚湯非常甜美，加上菇同豆腐作湯料，味道更特出。

📌甜品：香蕉和柚子味雪糕，比較少見，味道亦非常好，用這兩杯雪糕做結尾，整餐Omakase都完美地結束。