星巴克咖啡

營業中

休息中

小弟早排喺灣仔辦事，唔太熟路就上starbucks 坐一坐。見呢間starbucks 相當闊落，又新裝修，店內環境真係唔差。店員算幾好服務，小弟未食過starbucks 三文治，就叫個香蜜法蘭克福腸芝蛋酥皮三文治（個名長到可以做急口令）同埋 馥莓乳酪星冰樂，埋單$86，其實都幾貴。等左大約十分鐘先有得食，先講三文治，腸有蜜糖味，芝蛋配合當然不錯，好食就好食。其實味道似麥記早餐芝蛋小麥圈，不過係starbucks 價格。而星冰樂酸甜甜，中杯$51，尚可接受，不過相當甜，是日糖份及鈉含量超標，各位小吃為妙。