六両三

營業中

休息中

尖沙咀行行吓街見到依間小木屋裝修嘅餐廳,本身以為係食日本菜後來經朋友提醒先知原來係食台灣菜,內裏嘅坐位唔多而且裝修有少少日本居酒屋feel。我同朋友每人一碗牛肉麵。我選擇嘅川味紅燒三寶牛肉麵一碗有齊晒牛筋,牛肋條同牛𦟌。牛筋膠質豐富食完有漿囗感覺,牛肋條同牛展炆得軟淋,輕輕一咬就能化開。麵質我選擇咗粗麵,食落Q彈似手工麵。湯底屬於較清淡嘅口味但又不失牛肉香氣。枱面仲有店家自家製嘅酸菜,可以無限量添加,為牛肉麵另添一番風味。冬瓜茶甜到啱啱好,啱晒解渴消熱氣。午市優惠只需要加$12就有一款小食,我就選咗每次食台灣菜必食嘅甜不辣同百葉豆腐。