影片
更多
2025-02-16
0 瀏覽
食過好幾間任食台式火鍋，暫時今日喺佐敦食嘅鍋霸食到飽台式養生火鍋係食過質素最好嘅。我哋揀嘅係午市火鍋放題4.5小時任飲任食（甜品每人獲送一客），level 2 prime grade 牛肩胛肉（$198），另有加一服務費湯底我哋加$48要咗鴛鴦鍋（揀咗藥膳椰子雞鍋+田園蕃茄濃湯雞肉），兩款湯底都好濃郁鮮味。另外每位再加咗$40升級海鮮同配料（包括游水海蝦，花膠，鱔片，黑毛肚，沙白及帆立貝）。除咗帆立貝我哋冇點之外，其他我哋都試晒。如果你都係鍾意食海鮮嘅話，推薦大家加$40升級呢個，因為佢所有海鮮都好新鮮。我哋今餐基本上九成都係食海鮮，一成先至係食Level two入邊嘅嘢。沙白又肥又鮮甜。海蝦蝦膏味濃郁。要讚一讚佢個鱔片切得夠薄好快熟，肉質彈牙。花膠啱晒女士食。黑毛肚爽口易咬。prime grade 既牛肩胛肉質素比我想像中嘅好。有牛肉肉味，又唔多肥膏。手工三寶丸，手工黑松露墨魚滑：呢兩款都推介大家點。墨魚丸同墨魚滑都有墨魚粒喺入邊，有咬口。牛丸同豬肉丸都有肉味彈牙同多汁。另外我哋仲嗌咗午餐肉，魚皮餃，萵筍，鮮淮山，蓮藕片，菜心苗，鴨血，腐皮同脆鯇骨腩。全部都新鮮而且屬於質素高。飲品方
食過好幾間任食台式火鍋，暫時今日喺佐敦食嘅鍋霸食到飽台式養生火鍋係食過質素最好嘅。
我哋揀嘅係午市火鍋放題4.5小時任飲任食（甜品每人獲送一客），level 2 prime grade 牛肩胛肉（$198），另有加一服務費
湯底我哋加$48要咗鴛鴦鍋（揀咗藥膳椰子雞鍋+田園蕃茄濃湯雞肉），兩款湯底都好濃郁鮮味。
另外每位再加咗$40升級海鮮同配料（包括游水海蝦，花膠，鱔片，黑毛肚，沙白及帆立貝）。除咗帆立貝我哋冇點之外，其他我哋都試晒。如果你都係鍾意食海鮮嘅話，推薦大家加$40升級呢個，因為佢所有海鮮都好新鮮。我哋今餐基本上九成都係食海鮮，一成先至係食Level two入邊嘅嘢。沙白又肥又鮮甜。海蝦蝦膏味濃郁。要讚一讚佢個鱔片切得夠薄好快熟，肉質彈牙。花膠啱晒女士食。黑毛肚爽口易咬。
prime grade 既牛肩胛肉質素比我想像中嘅好。有牛肉肉味，又唔多肥膏。
手工三寶丸，手工黑松露墨魚滑：呢兩款都推介大家點。墨魚丸同墨魚滑都有墨魚粒喺入邊，有咬口。牛丸同豬肉丸都有肉味彈牙同多汁。
另外我哋仲嗌咗午餐肉，魚皮餃，萵筍，鮮淮山，蓮藕片，菜心苗，鴨血，腐皮同脆鯇骨腩。全部都新鮮而且屬於質素高。
飲品方面，有多款冷熱飲品選擇。包括各款自家製冷泡茶，可樂，檸檬茶，梳打水，維他奶，熱茶等等。
至於甜品，餐廳每人送一個，我哋一個揀咗Häagen-Dazs嘅Cookies and cream，一個揀咗Movenpick嘅瑞士朱古力味雪糕。
張貼
