老媽拌麵 (將軍澳中心)

營業中

休息中

媽咪放假，帶阿女出去食好啲都好正常吖，今次終於嚟到想試好耐嘅老媽拌麵金華火腿干貝雞湯麵就啱晒阿女，而媽媽我咁鍾意食辣，就試咗佢哋嘅地獄麻辣牛肉伴麵。 雞湯麵非常清甜，麵條滑滑的，眨吓眼娸娸經食咗大半碗。 而媽媽嘅麻辣麵味道濃郁，一邊食一邊回想台灣嘅味道，半隻溏心旦加燙菜，就好似喺台灣食一樣 小食方面就試咗大人細路都鍾意嘅炸地瓜條同媽媽最愛嘅滷鴨舌。鴨舌滷得無過稔，仲要爽爽哋，夠哂入味！炸地瓜條香甜鬆脆，娸娸仲追住食添食完之後，令我即刻想飛過去台灣呀！至於飲品，我叫咗杯老媽黑糖珍珠巧比娸娸，朱古力味夠晒濃厚，小朋友點會唔鍾意呢。 而我嘅金羅漢果海底椰水，味道甘甘地又清潤，食完辣麵飲當堂舒服晒！