老媽拌麵 (將軍澳中心)

營業中

休息中

同阿妹去咗將軍澳探朋友，之後去咗將軍澳中心食嘢，阿妹話想食台灣菜，呢度有間老媽伴麵好好食，叫我一齊去試吓。台式滷水雞中翼湯麵，湯底有辣有唔辣，揀咗川味紅燒，味道帶少少辣比較惹味，雞翼完全係入味，色澤深，皮滑肉嫩,，滷水味夠濃夠香，幼麵彈牙。包免費指定飲品，檸檬紅茶帶清新檸檬酸味，甜度適中。巧克力醬雪糕，DREYER'S 皇牌雲呢拿味雪糕，幼滑細膩的口感帶來天然的雲呢拿香味，加上巧克力醬味道更佳。用優惠價可叫多款一人小食，炸地瓜條，剛炸好的地瓜口感香脆帶香甜味，再由梅粉帶出的甜酸味。烤台灣香腸有厚實的口感，可以吃到肉汁。酥炸雞扒肉燥飯：雞扒炸到皮脆肉嫩，肉燥飯味道適中。配搭埋半隻滷蛋和酸菜更豐富。澎湖花枝丸：花枝丸裡面包著飽滿結實的塊狀花枝肉，保留了花枝的原汁原味，紮實又香口。