築間酸菜魚

之前去台灣食過唔錯，今日同朋友經過銅鑼灣見到就去咗食。高雄甜不辣甜不辣炸得外表金黃，咬落去非常軟身。浪子鹹酥雞鹹酥雞又係熱辣辣，咬落去唔會好粉，肉質鮮嫩，完全係台灣夜市嘅味道！嘉義砂鍋魚 砂鍋魚爆香左之後，充滿住古早味，除咗大量魚塊，仲有各式各樣嘅配料，例如蘿蔔、娃娃菜、豆腐、炸鵪鶉蛋、薯粉……秘製沙茶醬非常入味，令人食到停唔到口。海派蝦湯魚湯底充滿鮮蝦精華味，魚片嫩滑，海鮮非常足料，有蝦、青口、蜆、八爪魚等等，而且好新鮮，小份都有咁多嘢食，令人驚喜。暴走波奶茶奶茶香濃，入面仲有透明嘅珍珠，非常鍾意珍珠軟熟嘅口感。冬瓜檸檬茶飲品唔會太甜，飲落好fresh又清熱。紅豆仙草甜品正常發揮，最特別係加左透明果汁爆珠，又出奇地夾。酸菜魚味道同台灣分店食嘅好似，而且一個人都能夠食，的確值得推介。