影片
更多
2018-12-16
536 瀏覽
全職媽媽今日宣布偷走 與友人食個午餐 友人偏愛素食 今次就黎試下呢間雅悠蔬食 連大胃王如我都覺得滿足呢店子在金馬倫道B2出口向恒生方向行 一條大直路不難找 從K11果邊去亦一樣方便12點去到 人流不多 但將近1點就座無虛席了 都係預約人士呢紫 全部都係紫的氛圍 自以為聞到薰衣草香（誤）期間見店員抹枱布都係紫色 太強大了前菜- 洛神花燴啤梨藜麥沙律 大家都揀左Lunch Set互相Share 前菜就一樣既 底既沙律菜應該都係嗌貨 新鮮既 特別在個燴啤梨 非常清甜 而加埋黑醋竟又更帶出個香味 藜麥又加強下口感 有誠意湯品- 紅甜菜番茄忌廉濃湯 湯品可二選一 大家一中一西就試晒啦呢個湯將材料打碎 番茄甜酸度剛好 再飲多口 竟有南瓜味既錯覺 係好味既湯品- 印度椰子腰果甘荀雪耳湯 啖啖充滿椰香味 雪耳令個湯好滑口 甘荀粟米亦令湯更清甜 整個清潤美味 冬天飲暖笠笠點心拼盤拼雪菜毛豆菇絲紫淮山湯麵 $108點心拼盤個樣都幾似 有：香菇蒸素餃（正常、無驚喜）、五香滬式春卷（爽脆不油 好味）、素叉燒包（最似 亦最好味）、素翅香菇燒賣（外形似 但內層的偽肉肉太鬆 中規中矩）配上既湯麵 偽肉絲做到肉香 驚
店子在金馬倫道B2出口向恒生方向行 一條大直路不難找 從K11果邊去亦一樣方便
12點去到 人流不多 但將近1點就座無虛席了 都係預約人士呢
紫 全部都係紫的氛圍 自以為聞到薰衣草香（誤）期間見店員抹枱布都係紫色 太強大了
前菜- 洛神花燴啤梨藜麥沙律
28 瀏覽
0 讚好
0 留言
大家都揀左Lunch Set互相Share 前菜就一樣既 底既沙律菜應該都係嗌貨 新鮮既 特別在個燴啤梨 非常清甜 而加埋黑醋竟又更帶出個香味 藜麥又加強下口感 有誠意
湯品- 紅甜菜番茄忌廉濃湯
41 瀏覽
0 讚好
0 留言
湯品可二選一 大家一中一西就試晒啦呢個湯將材料打碎 番茄甜酸度剛好 再飲多口 竟有南瓜味既錯覺 係好味既
湯品- 印度椰子腰果甘荀雪耳湯
44 瀏覽
0 讚好
0 留言
啖啖充滿椰香味 雪耳令個湯好滑口 甘荀粟米亦令湯更清甜 整個清潤美味 冬天飲暖笠笠
點心拼盤
41 瀏覽
0 讚好
0 留言
雪菜毛豆菇絲紫淮山湯麵
25 瀏覽
0 讚好
0 留言
點心拼盤個樣都幾似 有：香菇蒸素餃（正常、無驚喜）、五香滬式春卷（爽脆不油 好味）、素叉燒包（最似 亦最好味）、素翅香菇燒賣（外形似 但內層的偽肉肉太鬆 中規中矩）
配上既湯麵 偽肉絲做到肉香 驚喜 紫淮山麵像彈牙的上海麵 整體感覺小清新
港式風味新珠玉漢堡配黑醋沙律及薯條
$98
25 瀏覽
1 讚好
0 留言
新黎 就梗要試下「新珠玉」啦（冷）賣相好宏偉好罪惡 漢堡有黑白芝麻 又香又鬆軟 偽肉肉味道像日式野菜咖哩或牛肉薯餅一類 比肉鬆化而又無咁膩 假芝士像少時芝士波的味道 質感則像明太子/ 多春魚的春一般 又幾得意喎 薯條都夠香脆 整體好評！
餐飲- 韓風蘆薈柚子蜜 藍蝶花雪梨汁
11 瀏覽
0 讚好
0 留言
餐飲比起平日既咖啡/茶 都算多選擇 友人既柚子蜜很足料 亦不會過甜 我就+$10試個雪梨汁 有藍蝶花既天然色素陪襯 係靚既 而且好夾個環境味道 真心好味 清甜得黎多一種舒喉感 咁岩呢幾日喉嚨乾乾地 一飲 正呀！
黑糖手作芋圓遇上豆乳布丁（尖沙咀店限定）
9 瀏覽
0 讚好
0 留言
本來猶豫要呢款定椰香紫薯千層班戟（跟餐+20）但睇左相再加見到「冬季限定」「尖沙咀限定」膚淺的咱們馬上下決定了黑糖底夠薑 甜度岩岩好 芋圓好煙靭而且不同顏色 真係食得出唔同味道（芋頭 紫薯 番薯）而最特別係個布丁 平日食奶布丁 一兩口就有悶膩感 但呢款 口感保留 但味道換上豆乳則清爽得多 比豆腐花多一種親厚 很愛！
鮮磨香滑腰果露
12 瀏覽
0 讚好
0 留言
友人的腰果露 也是足料之作 較坊間製作的稀 但味道很夠 亦避過那飽肚感
店子不單環境舒適 食物精緻 價錢合理 服務亦值得一讚 上菜收碟各樣都不徐不疾 剛剛好就是最好 一定會再來的
張貼
