雅 ‧悠蔬食

營業中

休息中

呢度好近我公司，所以之前都嚟食過幾次，水準都好穩定，今次係第一次夜晚嚟食飯，菜式嘅選擇同中午好唔同，有機會食佢哋嘅出名菜式。前菜日本黑豆亞塔子黑木耳及豆絲粉皮，食落幾清新。香芒牛油果苜蓿手卷，都感覺到日式的味道。白松露椰菜花忌廉濃湯，冇黑松露味道濃烈，但都有好重嘅香菇味，湯底都幾順滑。和風黑松露扁意粉加吉列牛油果，吉列牛油果食落好似炸生蠔，中間食到一陣陣嘅鮮味。小食拼盤有齊5款食物，酥炸蒟蒻都係第一次食，識落都有少少層次口感。沙嗲串燒，佢哋嘅沙嗲汁做得好正宗，配合素串燒，好有馬來西亞沙嗲嘅風味。泰式如餅食落有少少似泰式蟹肉餅，都幾得意。