影片
更多
2024-08-05
157 瀏覽
嗰日啱啱好同大佬一齊放假，就約咗一齊去油塘大本型食lunch。好彩嗰日係weekdays，所以仲未算多人。諗諗自從搬咗屋之後，好耐都冇見過大佬，所以今次見面一定要暢談一下。我哋約咗喺LG2樓見面，見到大佬依然瀟灑嘅打扮，好似返咗去細個嗰陣。我哋一邊行一邊傾緊要去邊度食，就見到咗一間新開張嘅新式茶餐廳。睇咗睇menu，我哋彼此都有想食嘅嘢，就決定索性喺呢度食lunch啦。一入到餐廳，服務員就好親切咁招呼我哋，帶我哋去我哋嘅座位。環境整體嚟講非常之新穎，枱同椅都係新嘅。不止咁，餐廳入面仲帶有舊式茶餐廳嘅味道，幾有創意嘅。大佬話呢餐佢請，叫我唔好客氣，咁我就唔客氣啦。我叫咗蔥油麒麟髀煎蛋飯，餐飲升級凍朱古力咖啡。嗰個雞髀都要大過我嘅拳頭，搓破太陽蛋，畀蛋黃汁流入飯度攪拌，已經顆粒分明嘅白飯充分吸收咗蛋黃汁。雞髀香脆唔油，切一小塊食落去之後肉汁流出嚟，十分juicy，配飯食好好味，整體嚟講都好美味。朱古力咖啡，甜甜嘅朱古力混合咗濃郁嘅咖啡味，令我好回味。大佬叫咗白咖哩豬扒飯，餐飲升級凍檸檬蜜糖咖啡。香噴噴嘅豬扒香味撲鼻，外皮好酥脆，肉質好多汁亦好彈，混合咗白咖哩汁，增加咗豬扒嘅層次感。米飯粒粒
一入到餐廳，服務員就好親切咁招呼我哋，帶我哋去我哋嘅座位。環境整體嚟講非常之新穎，枱同椅都係新嘅。不止咁，餐廳入面仲帶有舊式茶餐廳嘅味道，幾有創意嘅。大佬話呢餐佢請，叫我唔好客氣，咁我就唔客氣啦。
我叫咗蔥油麒麟髀煎蛋飯，餐飲升級凍朱古力咖啡。嗰個雞髀都要大過我嘅拳頭，搓破太陽蛋，畀蛋黃汁流入飯度攪拌，已經顆粒分明嘅白飯充分吸收咗蛋黃汁。雞髀香脆唔油，切一小塊食落去之後肉汁流出嚟，十分juicy，配飯食好好味，整體嚟講都好美味。朱古力咖啡，甜甜嘅朱古力混合咗濃郁嘅咖啡味，令我好回味。
大佬叫咗白咖哩豬扒飯，餐飲升級凍檸檬蜜糖咖啡。香噴噴嘅豬扒香味撲鼻，外皮好酥脆，肉質好多汁亦好彈，混合咗白咖哩汁，增加咗豬扒嘅層次感。米飯粒粒鬆軟分明，將整盤豬扒飯帶去唔同嘅境界。檸檬蜜糖咖啡，檸檬嘅清爽，蜜糖嘅甜味，咖啡嘅純香，整體飲起嚟平衡和諧，帶嚟清新提神嘅感受。
食完之後，我哋仲同大佬喺嗰度傾起咗童年，之後我哋就依依不捨咁道別咗。
張貼
