影片
更多
2025-01-17
0 瀏覽
前排朋友試過「重房」大讚水準之高，不比係日本食到既遜色，於是促成左今晚既聚會💜.🪭 前菜 — 蕃茄配白酒啫喱 一啖入口，白酒啫喱既香甜配蕃茄充滿水份，爽脆既口感，先開始清清味蕾.🪭 前菜 — 汁煮日本南瓜口感綿蜜，而且南瓜肉清甜，連皮食都可以輕易咬開纖維👍🏻.🪭鱈魚白子白子以木魚汁做高湯熬煮，口感微溫，配以橙醋蘿蔔蓉，同少量柚子皮同蔥粒作點綴。本身鱈魚白子味道會比較濃烈，但食落一啲魚腥味都無，有魚腸既廿香豐厚味道，口應軟滑細緻🪭煙薰冰見寒鰤富山縣既冰見寒鰤 12月至1月係最當造，師傅將魚肉先以煙薰處理，入口充炭香味，再用即磨京都五色芝麻碎同即磨山葵調味，魚肉質甜美，煙薰同芝麻慢慢係口腔散發出黎，一絕👍🏻🪭岩手縣陸前高田生蠔生蠔配以自家造既蜜柑同三文魚籽，面頭配以閃令令既銀箔點綴，同平時食到creamy口感既生蠔係兩口事，食落爽身，而我比較偏好依款清爽既口感😌🪭寒鰆魚魚皮上左少許鹽再炙燒，因為魚係日本水域關係，入口零舍肥美鮮甜！同我認知既「馬交魚」絕對兩回事😮配以自家造既洋蔥醬日本芽蔥，帶甜味，成件壽司口感一試難忘.🪭甜蝦蓉拿破崙配慢煮安康魚肝麵包多三文治式層疊，師傅提醒要上至下而食；上
.
🪭 前菜 — 蕃茄配白酒啫喱
一啖入口，白酒啫喱既香甜配蕃茄充滿水份，爽脆既口感，先開始清清味蕾
.
🪭 前菜 — 汁煮日本南瓜
口感綿蜜，而且南瓜肉清甜，連皮食都可以輕易咬開纖維👍🏻
.
🪭鱈魚白子
白子以木魚汁做高湯熬煮，口感微溫，配以橙醋蘿蔔蓉，同少量柚子皮同蔥粒作點綴。本身
鱈魚白子味道會比較濃烈，但食落一啲魚腥味都無，有魚腸既廿香豐厚味道，口應軟滑細緻
🪭煙薰冰見寒鰤
富山縣既冰見寒鰤 12月至1月係最當造，師傅將魚肉先以煙薰處理，入口充炭香味，再用即磨京都五色芝麻碎同即磨山葵調味，魚肉質甜美，煙薰同芝麻慢慢係口腔散發出黎，一絕👍🏻
🪭岩手縣陸前高田生蠔
生蠔配以自家造既蜜柑同三文魚籽，面頭配以閃令令既銀箔點綴，同平時食到creamy口感既生蠔係兩口事，食落爽身，而我比較偏好依款清爽既口感😌
🪭寒鰆魚
魚皮上左少許鹽再炙燒，因為魚係日本水域關係，入口零舍肥美鮮甜！同我認知既「馬交魚」絕對兩回事😮配以自家造既洋蔥醬
日本芽蔥，帶甜味，成件壽司口感一試難忘
.
🪭甜蝦蓉拿破崙配慢煮安康魚肝麵包多
三文治式層疊，師傅提醒要上至下而食；上層甜蝦蓉配炒香蝦頭膏加櫻花蝦同鱈魚脆片；下層法國麵包多士上面舖左安康魚肝醬，混有鹹脆蘿蔔粒調味；整體各有特色
🪭吞拿魚腦天配吞拿魚腩
即吞拿魚頭部既肉，以炒香咗嘅海鹽中間夾咗紫蘇葉，同一片吞拿魚腩再配以紫菜同食，師傅即製隨手奉上，一口咬落口油爆發，魚味極之濃厚，紫菜仲係脆身，成個感覺好新鮮😆
🪭神戶A4和牛刺身配蒜汁蛋黃
牛肉他他食得多，和牛刺身第一次品嘗，滑嫩既口感配酸爽既蒜蛋黃汁，輕柔細膩既牛油花，有即溶既口感，味道鮮美；而日本芽蔥同日本蔥花有提味有減膩作用😙
.
🪭天婦羅磯煮鮑魚
中間送左組磯煮既鮑魚再以天婦羅方式炸上，店員上菜即席以蔬菜汁加檸檬汁「染」成淡紅色，好似落霞感覺～鮑魚炸過保持到鮮嫩彈牙，咬落完全唔韌，就算唔點汁，淨食都好出色
🪭赤貝壽司
赤貝配以少許青檸汁、柚子皮、岩鹽調味，新嚐試～鮮味好出眾
🪭四國蜜柑鯛魚
有趣既典故：原來四國居民會以蜜柑皮作鯛魚飼料，魚肉變左無腥味而帶淡淡既蜜柑味，味道好清、鮮甜，真係好特別😮魚身經過熟成處理，魚肉口感會鬆軟啲
🪭沙甸魚配北海道麵豉醬
時令沙甸魚帶啲爽甜，而且魚油豐富，頂上面少許麵豉醬，鹹香豆味十足，確有畫龍點睛效果
🪭 吞拿魚大腹
脂肪最多既部分，經過熟成處理魚肉鬆軟無渣，滿佈漂亮既油花，入口即溶～整個口腔滿滿既魚油，好幸福滿足既感覺☺️☺️
.
🪭北海道白海膽，配法國Kaviari魚子醬
比起平時接觸既日本海膽更加鮮甜濃郁，但比較清雅，配上貴氣十足既法國魚子醬，一咬爆開豐富鹹鮮味道，變到好唔平凡～
🪭魚湯
以大量嘅魚骨魚頭去熬六個鐘，奶白色湯頭😊娃娃菜同日本本菇吸滿湯汁，成個湯鮮魚甜味難以用墨筆形容，為今晚完美作結
.
🪭甜品—日本士多啤梨
張貼
