拾味正宗刀削麵館 (歌賦街) (已結業)

地址－拾味正宗刀削麵館 (歌賦街)中環歌賦街43號地舖💋香辣豬軟骨熱拌刀削麵，呢間的點菜係用手機嘟QR CODE 落單的，自助選項又多又細緻，連檸檬茶都可以叫多檸檬同濃D都有得揀，勁貼心，我呢個就揀左多汁同多醬，佢個擔擔麵醬又多又濃，個醬有蒜香之餘，又有豆瓣醬味，好正，佢刀削麵係即叫即削的，所以需要等待一段時間，但係值得的，雖然人手削，但都算做到大致平均的長度同厚度，應該係訓練有素，食落都爽滑彈牙，又煙煙韌韌，配埋擔擔醬一齊食，每條都掛滿醬汁，勁正，佢豬軟骨都煮得入味，辣辣地咁，又大件，份量都唔少，勁滿足。💋手撕雞熱拌刀削麵，我好怕食到D好嚡的雞肉，但好彩呢個唔係，都唔算太嚡，幾有口感咁，佢比的青瓜絲都唔少，帶點爽脆，連埋刀削麵一齊食，層次分味，正。💋麻辣金錢肚(中辣，小)，佢呢個可以揀多蒜，咁我地當然唔會放過啦XD，食落金錢肚好爽口，雖然SIZE係小，但其實都幾多下，佢個麻辣都唔惹小，食到我朋友噴晒火咁，最後都投晒降，最後都只好由我包底吧。