上海老家 (已結業)

突然想食上海菜，咁啱喺附近做完嘢見到呢間餐廳，一於入去試下先，估唔到比我搵到間好嘢，味道正宗，價錢仲唔貴，都幾抵食。上海回鍋肉 $ 88  - 用左好多青紅辣椒、椰菜去炒，豬腩肉片一啲都唔肥，炒得好夠鑊氣又入味，真係唔錯!口水雞 $88 - 雞十分嫩滑，個汁辣度啱啱好，朋友唔食得好辣都食到。奶油津白 $88 - 津白索哂奶油汁，好creamy而且入口即溶，津白份量好多，好大碟。高力豆沙 $72 – 越來越少餐廳肯做高力豆沙，鬆軟蛋白加上內層香甜豆沙，雖然size不大，但好好味，係絕佳既飯後甜品。