和牛割烹小田

營業中

休息中

放工之後同同事一齊嚟中環食和牛割烹小田嘅Omakase，簡直係味覺上嘅享受。一開始就有和牛炭燒昆布生牛肉片，牛肉片厚度啱啱好，燒得好有炭香味，肉質柔軟，入口即化，好美味。之後食咗炭燒茄子，好開胃。跟住就係關東煮風燉和牛胸肉，關東煮醇厚嘅甜味，配上牛胸肉好有咬口好多汁，口感好軟嫩，好好食。跟住係和牛壽喜燒，融合咗和牛同蔬菜嘅風，格外濃郁嘅味道，加上日本第一Kodawari蛋，得到入口即溶嘅口感同埋和牛油花嘅甜味，好享受。海膽和牛他他壽司，和牛肉碎同鮮甜海膽嘅搭配簡直不得了，海膽完全唔腥，每一啖都好好味。之後食咗炭燒小田和牛牛排配時令蔬菜，和牛排表面焦香，但肉質細軟多汁，仲可以食時令蔬菜去膩。和牛蘑菇松露魚子飯係好新鮮嘅一道菜，白飯本身嘅米香味融合咗和牛、蘑菇、松露同魚子嘅鮮味，味道層次好豐富，配埋麵豉湯湯味濃郁，令人食得好滋味。最後食咗豆腐布甸，口感滑嫩充滿豆奶香味，帶有一絲絲嘅甘甜味，正。