影片
更多
2020-12-01
5089 瀏覽
近排好忙，星期日都要開工，但喺工作之前先食個靚午餐提提神。我同朋友訂咗枱食「和牛燒肉‧純」，晚餐實在太貴，唔捨得食🙈，試下晏晝質素如何先。午市套餐有唔少選擇。其實價錢有平有貴，有部份燒肉餐更係一百蚊都唔駛👍！不過要食靚和牛，價錢就有返咁上下。定食奉送沙律🥗，沙律用上柚子醋，開胃得來唔會太酸。前菜類似係泡菜牛肉絲，微微辣🌶，同樣令人食指大動。特選五式和牛定食($350)，定食有五款肉，包括特選三角牛排肉、特選牛排肉、肩眼肉、上牛排肉、以及牛排肉，每款各兩片🥩，我哋可以一人一片。五款肉入面，放上細碟嗰三款比較好食😋(唔記得啲名)，無論視覺見到嘅脂肪分佈定入口即化嘅感覺都更勝一籌！和牛肉身嘅油脂不得了，食落明顯同普通牛肉有好大分別。另外兩款肉其實都OK，只不過略嫌醬汁調味重手咗啲，搶咗和牛本身嘅味道。和牛嘅厚度大小啱啱好🐮，餐廳提供嘅醬油碟旁正正夠放一塊肉。個人認為唔使點汁都已經好好食。隨拼盤亦附有少量瓜菜🌽，記得唔好嘥，燒埋嚟食。和牛涮涮鍋定食($200)，涮涮鍋造型靚靚😍，好吸引。鍋物一大兜，另加一碟牛肉。定食附送兩個醬汁，分別係醋汁同芝麻醬，店員有介紹傳統正宗食法，不過近代都無太嚴格要
近排好忙，星期日都要開工，但喺工作之前先食個靚午餐提提神。我同朋友訂咗枱食「和牛燒肉‧純」，晚餐實在太貴，唔捨得食🙈，試下晏晝質素如何先。
午市套餐有唔少選擇。其實價錢有平有貴，有部份燒肉餐更係一百蚊都唔駛👍！不過要食靚和牛，價錢就有返咁上下。
定食奉送沙律🥗，沙律用上柚子醋，開胃得來唔會太酸。
前菜類似係泡菜牛肉絲，微微辣🌶，同樣令人食指大動。
特選五式和牛定食
$350
18 瀏覽
0 讚好
0 留言
五款肉入面，放上細碟嗰三款比較好食😋(唔記得啲名)，無論視覺見到嘅脂肪分佈定入口即化嘅感覺都更勝一籌！和牛肉身嘅油脂不得了，食落明顯同普通牛肉有好大分別。另外兩款肉其實都OK，只不過略嫌醬汁調味重手咗啲，搶咗和牛本身嘅味道。
和牛嘅厚度大小啱啱好🐮，餐廳提供嘅醬油碟旁正正夠放一塊肉。個人認為唔使點汁都已經好好食。
隨拼盤亦附有少量瓜菜🌽，記得唔好嘥，燒埋嚟食。
和牛涮涮鍋定食
$200
10 瀏覽
0 讚好
0 留言
和牛涮涮鍋定食($200)，涮涮鍋造型靚靚😍，好吸引。鍋物一大兜，另加一碟牛肉。定食附送兩個醬汁，分別係醋汁同芝麻醬，店員有介紹傳統正宗食法，不過近代都無太嚴格要點食。
牛肉有六大薄片，薄嘅原因係因為淥落鍋唔適宜太厚，所以牛肉輕輕淥幾下就搞掂👌。牛肉味道不及燒肉嗰啲正，但牛肉都幾濃，亦有雪花紋。
涮涮鍋湯底清淡，味道亦相當唔錯，而且入面放滿各式各樣嘅蔬菜同雜菇🥕，感覺好繽紛，冬菇上面仲介咗粒星添。餐廳將平日一紮嘅芋絲攤開，食落又幾得意。
定食配有白飯🍚同湯，一定夠飽！
飲品方面，我哋各加$12要咗青蘋果汽水同荔枝汽水，味道正正常常。食飯過程當中我哋亦係咁飲茶，店員好好會留意住客人嘅需要，不斷幫我哋添茶🍵。
環境方面，面積唔算大，如果想食就最好訂定位啦！例如呢日星期日中午都幾爆場下👏。另外，餐廳仲有啲吧枱位。
總括嚟講，餐廳無負以「和牛」命名，和牛果然不同凡響，令人回味無窮🤤。餐廳定價唔平，不過絕對對得住個價錢。店員親切有禮，服務可改善嘅地方就係菜式逐樣上會更佳，因為無暇一邊燒肉、一邊Shabu Shabu🤣。最後奉上餐廳嘅完整餐牌，當中有好仔細介紹牛嘅部位同等級計算，長知識哦🙏🏻。
張貼
