火水爐花膠館 (已結業)

⚠️未燒過咁核突既肉！我地揀左有黑毛豬、牛頸脊、板腱牛、牛舌果個set，第一輪嗌晒啲肉試過味，再追加牛頸脊同黑毛豬，但之後上黎啲牛同一開始果隻口感唔同、油花變成一格格（原本係直條），最重要係擺喺石板度燒果陣，啲肉表面會浮起一層好似血，但又軟又會成型，唔係血水咁簡單！見到都想嘔，成舊肉咬落去都係怪怪地，同第一round啲肉完全兩回事黎，完全唔知食緊乜，勁恐怖⋯忍唔住嗌左老闆，最尾係侍應過黎，現場燒比佢睇，問點解啲肉有咁嘅嘢，佢答我係肉汁黎，我再問咁第一碟又唔見呢啲嘢？佢就答唔到，淨係話可以幫我換個新既⋯呢一餐仲要9xx，唔值到爆，此生唔會再踏入呢間店！