蟹仙海鮮蒸碢大公館

營業中

休息中

有一排冇食海鮮大餐，心血來潮捉咗朋友同我食呢一間蒸氣海鮮餐廳。記得早幾年有一排好Hit，開到周圍都係，喺佐敦食過好幾間，但係而家少咗好多，好在呢一間都幾出名嘅蒸氣海鮮餐廳，喺香港仲有好幾間分店，今日去嘅呢一間銅鑼灣分店，位置都幾方便。我哋叫咗尊貴海鮮套餐，裏面包含咗下面呢啲海鮮：-野生膏仔蟹-太平洋饅頭蟹-琵琶龍蝦-台灣九孔鮑魚-大西洋野生青口-加拿大野生海虎蝦-韓國斧山珍珠蠔-蟹皇大元貝-大蟶子咁多款海鮮裏面部份係自選，部份係固定嘅，食完之後仲有有機蔬菜籃，同埋重頭戲海鮮粥等，最後仲會有椰汁雪燕糖水。.總括嚟講佢哋嘅海鮮全部都用料幾高質，印象特別深刻嘅有好彈牙嘅九孔鮑魚、好鮮甜坊間好少食到嘅琵琶龍、仲有好緊實大隻嘅新鮮加拿大野生海虎蝦、爆曬膏嘅野生膏仔蟹。.成個過程都有服務員幫我哋蒸及校時間，基本上就係唔使用腦等食狀態，最後個粥食得出完全冇味精，個鹹味係黎自海鮮嘅自然鹹度，加上少少粟米排骨菜脯等等，雖然好飽但係都忍唔住食晒。