影片
更多
2023-08-31
449 瀏覽
難得男友放假，佢就早啲黎到最近好出名嘅山本屋排定隊等埋我收工一齊食飯。佢到個時已經17:30左右，因為冇得攞飛，門口已經排咗4-5個圈嘅人龍。Around 18:00我到咗，條龍係冇乜點郁，咁繼續一齊排，排到7點終於入得。舖頭面積唔大，大約淨係坐到40個人左右，相信都係大排長龍嘅其中一個原因。而我同男朋友一人嗌咗一個烏冬，等咗起碼15分鐘先上菜，感覺佢啲烏冬係一輪輪起，一起幾枱一齊起。我就叫咗個廚師推介嘅親子煮烏冬配味噌湯，加年糕(+$15)。首先，部分烏冬係痴埋，散唔開；然後個湯係無味，隻生雞蛋放喺個湯上面都無作用；啲雞肉份量較少，食落有雪味；啲腐皮食落普通，最激氣係個年糕，唔知係個湯太熱定點，溶咗，中間完完全全冇味。男朋友嗌咗天婦羅烏冬加腐皮，點知用10幾蚊加嘅腐皮都係碎上。而隻天婦羅蝦浸住啲湯，一夾皮肉分離散哂，隻蝦細過隻手指尾。仲要佢個湯底同我個個唔同，唔知點解越食越杰。最後唯一值得讚嘅係個煲由頭熱到尾😂同埋個波子汽水好飲😂埋單成$271，食唔飽又要排個幾鐘～我自己就絕對冇下次～～
舖頭面積唔大，大約淨係坐到40個人左右，相信都係大排長龍嘅其中一個原因。而我同男朋友一人嗌咗一個烏冬，等咗起碼15分鐘先上菜，感覺佢啲烏冬係一輪輪起，一起幾枱一齊起。
我就叫咗個廚師推介嘅親子煮烏冬配味噌湯，加年糕(+$15)。
首先，部分烏冬係痴埋，散唔開；然後個湯係無味，隻生雞蛋放喺個湯上面都無作用；啲雞肉份量較少，食落有雪味；啲腐皮食落普通，最激氣係個年糕，唔知係個湯太熱定點，溶咗，中間完完全全冇味。
6 瀏覽
0 讚好
0 留言
4 瀏覽
0 讚好
0 留言
2 瀏覽
0 讚好
0 留言
男朋友嗌咗天婦羅烏冬加腐皮，點知用10幾蚊加嘅腐皮都係碎上。而隻天婦羅蝦浸住啲湯，一夾皮肉分離散哂，隻蝦細過隻手指尾。仲要佢個湯底同我個個唔同，唔知點解越食越杰。
最後唯一值得讚嘅係個煲由頭熱到尾😂
同埋個波子汽水好飲😂
埋單成$271，食唔飽又要排個幾鐘～我自己就絕對冇下次～～
張貼
