夏麵館 (已搬遷) 新店位置

睇見OR對夏麵館的食評，真係有點被嚇親。不過有資深食友寫過話其實唔係咁差，那我就放膽同朋友一齊去試試。為試多點東西，點兩個麵和一份小食share食。都是點獅子頭煨麵，好大既一粒獅子頭，幾吸引的。事實上，獅子頭外面微脆，內裡好鬆化，口感十分好。同埋，豬肉非常甘香入味，我很欣賞。煨麵確實比較淋，換轉佢有拉麵既彈牙必會更好。豬肝拉麵，麵和餸是分開上的。嚐一口豬潤，好味亦不會腥，也不過硬或過淋。同碟還有青椒，挺爽口的，又是不錯。拉麵相對彈牙有口感，如湯底可以加辣就好了。小食要了紅油抄手，皮不算厚，肉質都ok，辣度適中，可以接受。吃了三款食物，真的不是之前食評寫得咁差喎，或許是各人口味不同吧！