丼家和食 (已結業)

放工經過 見無乜人又裝修幾好就入左去，點知中左伏叫左個招牌刺身飯同招牌一口牛，個飯有三文魚，海膽，帶子，扮晒蟹柳，蝦，$128鮮度尚可但份量太少，粒帶子勁細粒，好唔抵食。最頂癮係"招牌一口牛"串，$38得5粒仔，啲肉醃到無晒牛肉味，口感稔到爛，仲要加埋啲勁油既炸蒜係面，食完成口油憶味 ，好唔舒服。成間鋪得兩台六個人（加埋我），啲師傅可能年紀太輕，講野多過做野，仲要大大聲講粗口，一啲都唔專業，整碗飯要成20-25分鐘，大佬啲刺身切好晒，就咁鋪係面都可以搞咁耐，真係吹脹。 樓面好似唔願郁咁，坐埋角落，明明無乜人好得閒，都唔去裝下茶，留意下客人需要。評語：如果想試新野，一定令你失望。