73
28
58
餐廳: 永合隆飯店
資訊:

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
等級2
7
0
唔明，你地攪錯左
2016-01-12 2830 瀏覽
我唔係特別鐘意或要推介永合隆，但久不久總要黎買下燒腩骨食。我是叉燒、燒肉嘅fans，雞係我生命，金錢雞係我童年重要一幕，只要聽聞有好燒味，上天下海都要試，目下最好味嘅燒腩骨港島區係跑馬地永祥，九龍區係永合隆，三十幾年黎佢腩骨總要貴人二、三十蚊一斤，但我和貓老爺每次總要兩條骨，未開車已經食左幾舊，但，我地從來唔會喺呢度買叉燒、燒鵝、雞等燒味，無腩骨即走，燒肉都要睇過先買。食燒肉，梗係要腩骨，唔通要又鞋又鹹嘅沙尼篤？買左都係嘥錢嘥個胃嘅quota。邊個叫你喺度買叉燒？即係等如喺tempura專門店叫壽司，同係燒味但製法大相逕庭，唔係招牌專長，盞搵黎攪！佢個地滑唔係今日，見到咁你仲坐低食？佢啲斬料師傳真係有一句無一句架，但係，師傅專長唔係答你問題嘛，佢地根本就係唔識同人溝通，否則做企堂啦，況且你問邊part好食，一定係腩骨，答你咩呢？我最初都被佢地吹到啤一聲，但以質素而言，暫時又真係搵唔到第二度。溝通係雙向嘅，講多兩句讚賞說話就有計傾，佢地唔認得我，但每次都可以講到幾句，當然啦，你唔識做，人地最忙踢晒腳嗰陣你走埋去問呢樣嗰樣，就梗係想踢你走啦，佢又真係唔憂做架喎。跑馬地永祥好啲，但都唔好得去
更多
我唔係特別鐘意或要推介永合隆，但久不久總要黎買下燒腩骨食。我是叉燒、燒肉嘅fans，雞係我生命，金錢雞係我童年重要一幕，只要聽聞有好燒味，上天下海都要試，目下最好味嘅燒腩骨港島區係跑馬地永祥，九龍區係永合隆，三十幾年黎佢腩骨總要貴人二、三十蚊一斤，但我和貓老爺每次總要兩條骨，未開車已經食左幾舊，但，我地從來唔會喺呢度買叉燒、燒鵝、雞等燒味，無腩骨即走，燒肉都要睇過先買。食燒肉，梗係要腩骨，唔通要又鞋又鹹嘅沙尼篤？買左都係嘥錢嘥個胃嘅quota。邊個叫你喺度買叉燒？即係等如喺tempura專門店叫壽司，同係燒味但製法大相逕庭，唔係招牌專長，盞搵黎攪！佢個地滑唔係今日，見到咁你仲坐低食？佢啲斬料師傳真係有一句無一句架，但係，師傅專長唔係答你問題嘛，佢地根本就係唔識同人溝通，否則做企堂啦，況且你問邊part好食，一定係腩骨，答你咩呢？我最初都被佢地吹到啤一聲，但以質素而言，暫時又真係搵唔到第二度。溝通係雙向嘅，講多兩句讚賞說話就有計傾，佢地唔認得我，但每次都可以講到幾句，當然啦，你唔識做，人地最忙踢晒腳嗰陣你走埋去問呢樣嗰樣，就梗係想踢你走啦，佢又真係唔憂做架喎。跑馬地永祥好啲，但都唔好得去邊，尤其忙嗰陣，畢竟佢地唔係酒店，師傅係靠手作搵兩餐嘅人，你expect高格調、有文化？

(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
2 已推介
    張貼
    評分
    用餐日期
    2016-01-12
    用餐途徑
    外賣自取
    推介美食
    • 燒腩骨and燒豬only