糖圓園 (已結業)

夜晚10點幾，係新城市廣場想食糖水真係幾難，唔想食滿記，於是去試下呢個開左咁耐既糖圓圓，點知....一試就出事喇自己點左紅豆燉奶，一黎到見到都覺得個賣相麻麻，勁乾..，一試好似分開食紅豆同燉奶咁...但呢個已經係最好既一個!!友人們貪得意點左什麼紅豆奶凍同芝麻糊奶凍，先講紅豆奶凍，又係好似分開上兩樣野咁，勁乾，食完之後要買野飲..另外個芝麻糊奶凍，完全唔夾，味道勁差...簡直唔知想點..最後我地只係食左一半就閃人，仲有個價錢又唔抵，本身想食湯丸，點知要25元，仲要得3粒....嘩....咁既質素同價錢...就算得你一間糖水鋪都要諗諗呀