茶記研究所

營業中

休息中

或者已經有一段時間冇去過大本型，都唔知有呢間新餐廳進駐大本型。放工由地鐵站行向大本型，途中經過鋪面光猛企理，就停底睇下menu 有咩好食，除左有一般碟頭飯外，仲有一人火鍋、羊腩煲、鐵板餐，價錢仲要唔係好費。兩個人一於入去試下！第一次食，試下家常菜式先，叫左一份蔥油香煎雞扒煎蛋飯同埋一份鹹鮮黃花魚（半條）蒸肉餅。蔥油香煎雞扒煎蛋飯一上枱就覺得個飯擺得好精緻，雞蛋煎得好靚😍即刻胃口大開。半熟蛋拌飯正啊，雞扒都幾嫩滑。鹹鮮黃花魚（半條）蒸肉餅住家飯口味😍 好少餐廳會有咁既配搭，又夾喎👍🏻 仲配埋湯同油菜。