魚你相聚

營業中

休息中

一直認為長沙灣係美食沙漠，估唔到俾fd子搵到間性價比高嘅小店，一出地鐵站就見到大大個牌，主打多款口味嘅酸菜魚，有一人套餐亦可以同朋友仔happy sharing，除此之外仲有特色主菜同小食提供，地點方便，店員服務態度友善，絕對會encore🫣一場嚟到當然唔少得叫返盤酸菜魚，呢款建議2-4位享用，湯底有三款選擇，檸檬口味啱晒唔食得辣或者想食得健康啲但又想過吓口癮嘅朋友仔😂 魚肉同樣有幾款，鯛魚片好新鮮，食落爽口，滑溜，而且魚味都幾出，果然有料到～ 配料選擇滿滿，有闊薯粉、薯仔、海帶、萵筍、豆腐、豆腐皮、大豆芽、娃娃菜同金針菇，非常豐富，越食越過癮，另外搭配薯粉、米線或飯，唔覺唔覺就清曬啦，開心又滿足😌小食要咗幾款試試，私心推介呢度嘅口水雞，雞肉超級嫩滑，完全唔乾柴，又麻又香又辣又唔會過鹹，美味無窮～ 另外有涼拌青瓜木耳同海蜇，前者清身，後者爽彈，兩款冷盤都好正，仲有好多粒粒鹹香又脆嘅花生，配住食好夾，值得一試！